प्रकाश 7:7 - नेवाः बाइबल

⁷ शिमियोनया कुलं १२,००० म्‍ह, लेवीया कुलं १२,००० म्‍ह, इस्‍साखारया कुलं १२,००० म्‍ह,

प्रकाश 7:7 ပူးပေါင်းရင်းမြစ်များ

उत्‍पत्ति 29:34

वया हाकनं प्‍वाथय् दयाः काय् बुल। अले वं धाल, “थुगुसी ला जिमि भाःतं जितः स्‍वइ, छाय्‌धाःसा वय्‌कःया लागि जिं स्‍वम्‍ह काय् बुइकेधुन।” उकिं वं वयागु नां लेवी तल।

उत्‍पत्ति 30:18

लेआं धाल, “जिं जिमि भाःतयात थः दासी लःल्‍हाना बियागुलिं परमेश्‍वरं जितः सिरपाः बियादिल।” उकिं वं वयागु नां इस्‍साखार तल।

उत्‍पत्ति 35:23

लेआया पाखें, दक्‍वसिबय् तःधीम्‍ह रूबेन, अले शिमियोन, लेवी, यहूदा, इस्‍साखार व जबूलून।

उत्‍पत्ति 49:11

वं थः गधायात भिंगु दाखमाय् ची अले गधाया मचायात भिंगु कचाय् ची। वं थःगु वसः दाखमद्यय् ही अले भान्‍तां लंयात दाखया रसय् ही।

उत्‍पत्ति 49:5

शिमियोन व लेवी निम्‍ह दाजुकिजां छगू हे कथंयापिं खः, थुमिगु तरवार ल्‍वापुख्‍यापुया ज्‍याभः खः।

प्रस्‍थान 6:16

लेवीया काय्‌पिं गेर्शोन, कहात व मरारी खः। लेवी सछि व स्‍विन्‍हय्‌दँ तक म्‍वात।

गन्‍ती 1:22

शिमियोनया सन्‍तानपाखें – निइदँ व वस्‍वयां च्‍वय्‌यापिं लडाइँलय् वनेफुपिं फुक्‍क मिजंतय्‌गु नां इमिगु वंश व परिवारकथं धलखय् च्‍वल।

गन्‍ती 25:14

व मिद्यानी मिसानापं स्‍याःम्‍ह मनूया नां जिम्री खः, जिम्री सालूया काय् व शिमियोनया कुलया छगू छेँजःया नायः खः।

गन्‍ती 26:14

शिमियोनया वंश थुपिं हे खः। इमि ल्‍याःखाःपिं मनूत २२,२०० म्‍ह दु।

यहोशू 19:1

निक्‍वःगु चिट्ठा शिमियोन कुलयात इमिगु वंश वंशकथं लात। इमिगु सर्बय् धाःसा यहूदाया कुलयात ब्‍यूगु सर्बयया दथुइ लात।

यहोशू 19:17

प्‍येंगूगु चिट्ठा इस्‍साखारया कुलयात इमि वंश वंशकथं लात।

प्रकाश 7:6

आशेरया कुलं १२,००० म्‍ह, नप्‍तालीया कुलं १२,००० म्‍ह, मनश्‍शेया कुलं १२,००० म्‍ह,

प्रकाश 7:8

जबूलूनया कुलं १२,००० म्‍ह, योसेफया कुलं १२,००० म्‍ह, बेन्‍यामीनया कुलं १२,००० म्‍ह।

न्‍यायकर्ता 1:3

यहूदाया मनूतय्‌सं थः दाजुकिजा शिमियोनीतय्‌त धाल, “परमप्रभुं जिमित ब्‍यूगु लागाय् जिपिंलिसें वा, झीपिं मिलय् जुयाः कनानीतलिसें ल्‍वाये अले जिपिं नं छिमित ब्‍यूगु लागाय् वने।” उकिं शिमियोन कुलयापिं मनूत इपिंलिसें वन।