प्रकाश 7:4 - नेवाः बाइबल

⁴ इस्राएलया फुक्‍क कुलं छगू लाख व पिइप्‍यद्वः मनूतय्‌त छाप तःगु जिं ताया।

प्रकाश 7:4 ပူးပေါင်းရင်းမြစ်များ

उत्‍पत्ति 15:5

परमप्रभुं अब्रामयात पिने हयाः धयादिल, “आकाशय् स्‍व, अले नगुत ल्‍याः खाना स्‍व, छं ल्‍याः खाये फु ला?” वय्‌कलं हानं धयादिल, “छं सन्‍तान नं उलि हे दइ।”

प्रस्‍थान 28:21

इस्राएलया झिंनिम्‍ह काय्‌पिनिगु नांकथं झिंनिगः मणिया थी दयेमाः। झिंनिगलय् हे झिंनिगू कुलयागु नां कियातयेमाः।

इजकिएल 47:13

परमप्रभु परमेश्‍वरं थथे धयादी, “इस्राएलया झिंनिगू कुलयात सर्बयया लागि छिमिसं देश इनाबीबलय् देशया सिमाना थथे जुइ। योसेफया लागि निगू भाग जुइ।

इजकिएल 48:19

इस्राएलया फुक्‍क कुलं वःपिं शहरयापिं ज्‍यामितय्‌सं थ्‍व जमिनय् बुँज्‍या याइ।

इजकिएल 48:31

स्‍वंगू ध्‍वाखात दइ। शहरया ध्‍वाखाया नां इस्राएलया कुल कुलया नां थें हे जुइ। उत्तर पाखेया स्‍वंगू ध्‍वाखात रूबेनया ध्‍वाखा, यहूदाया ध्‍वाखा अले लेवीया ध्‍वाखा जुइ।

जकरिया 9:1

छगू अगमवाणी, हद्राक देशया विरोधय् परमप्रभुयागु वचन अले थ्‍व दमस्‍कसय् नं लाइ, छाय्‌धाःसा फुक्‍क मनूतय् व इस्राएलया कुलया मिखा परमप्रभुपाखे दु–

मत्ती 19:28

वय्‌कलं धयादिल – “जिं छिमित खःगु खँ धाये – मनूया काय् वयाः झःझः धाय्‌क जुजु जुइबलय् जिनापं जुयाच्‍वंपिं छिपिं नं झिंनिगू सिंहासनय् च्‍वने दइ। अले इस्राएलीया झिंनिगू कुलयागु न्‍याय याइ।

लूका 14:22

अले मालिकं धाःथें याये धुंकाः च्‍यलं वयाः वयात थथे धाल – ‘हजुर, छिं धयादी थें याये धुन, अज्‍ज नं थाय् दनि।’

लूका 22:30

अले छिमिसं जिगु राज्‍यय् जि नाप च्‍वनाः नयेत्‍वने याये खनी। अले हानं सिंहासनय् च्‍वनाः छिमिसं इस्राएलया झिंनिगू कुलयापिं मनूतय्‌त न्‍याय याइ।”

प्रेरित 26:7

थ्‍व हे खँ झी झिंनिगू कुलं नं जुइतिनि धकाः आशा यानाः दुनुगलंनिसें चां न्‍हिं परमेश्‍वरयागु आराधना याना जुल। थ्‍व हे आशां यानाः जितः थौं ज्‍वना हल, महाराज।

रोमी 9:27

इस्राएलयात कयाः यशैयां थथे धाःगु दु – “इस्राएलया सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक बचय् जुइ,

याकूब 1:1

परमेश्‍वर व प्रभु येशू ख्रीष्‍टया दास याकूबयापाखें सारा संसारय् न्‍यंक वनाच्‍वंपिं इस्राएलीतय्‌गु झिंनिगू कुलयापिं मनूतय्‌त ज्‍वजलपा।

प्रकाश 14:1

अले जिं सियोन पर्वतय् चीधिकःम्‍ह भ्‍याःचा दनाच्‍वंगु खना। वय्‌कः व वय्‌कःया बाःयागु नां कपालय् च्‍वयातःपिं छगू लाख व पिइप्‍यद्वः मनूत वय्‌कः नाप दु।

प्रकाश 14:3

सिंहासन, प्‍यम्‍ह जीवात्‍मा, व थकालिपिनिगु न्‍ह्यःने च्‍वनाः इमिसं छपु न्‍हूगु म्‍ये हालाच्‍वन। पृथ्‍वीं मू पुलाः लिफ्‍याना हःपिं छगू लाख व पिइप्‍यद्वः मनूतय्‌सं जक व म्‍ये हाले सः, मेपिन्‍सं मसः।

प्रकाश 7:5

यहूदाया कुलं १२,००० म्‍ह, रूबेनया कुलं १२,००० म्‍ह, गादया कुलं १२,००० म्‍ह,

प्रकाश 9:16

इमिगु सल गया वनीपिनिगु फौज २०,००,००,००० (निइगू करोड) दु धाःगु जिं न्‍यना।