प्रकाश 7:17 - नेवाः बाइबल

¹⁷ सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”

प्रकाश 7:17 ပူးပေါင်းရင်းမြစ်များ

भजनसंग्रहया सफू 22:26

नये मखंपिन्‍सं लुधंक नयेखनी परमप्रभुयात मालाजुइपिन्‍सं वय्‌कःयात तःधंकी। इमिगु नुगः न्‍ह्याबलें लसतां जायाच्‍वनी।

भजनसंग्रहया सफू 23:5

जिमि शत्रुतय् न्‍ह्यःने छिं जिगु निंतिं भ्‍वय् ज्‍वरय् यानादी, छिं जिगु छ्यं चिकनं अभिषेक यानादीगु दु, जिगु ख्‍वला जायाः भय्‌बी।

भजनसंग्रहया सफू 28:9

हे परमप्रभु, थः मनूतय्‌त बचय् यानादिसँ। थः सर्बययात आशिष बियादिसँ। अले इमि जवाः जुयाः इमिगु बिचाः यानादिसँ।

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 30:19

हे यरूशलेमय् च्‍वंपिं सियोनया मनूत, हाकनं छिपिं ख्‍वयेमाली मखुत। छिपिं ग्‍वाहालिया निंतिं ख्‍वःगु सः तायेवं वय्‌कः गुलि दयां जाःम्‍ह जुयादी। छिमिगु बिन्‍ति न्‍यनेवं हे वय्‌कलं छिमित लिसः बियादी।

यशैया 30:25

व यक्‍व स्‍यायेगु दिंखुन्‍हु धरहरात क्‍वःदलीबलय् फुक्‍क ततःजाःगु पर्वतत व फुक्‍क डाँडाय् लःया खुसिबाः न्‍ह्याइ।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यशैया 49:9

ज्‍वनाः कुनातःपिन्‍त ‘पिहां वा’ धायेत, अले खिउँगु थासय् दुपिन्‍त ‘स्‍वतन्‍त्र जु’ धायेत, जि छन्‍त स्‍वया अले ल्‍यया। “इमिसं लँय् जवंखवं नयेदइ अले नांगांगु डाँडाय् इमिगु निंतिं वाउँगु घाँय् दुगु ख्‍यः दइ।

यशैया 51:11

परमप्रभुं मू पुलाः छुत्‍कारा यानादीपिं हाकनं लिहां वइतिनि। इपिं सियोनय् म्‍ये हा हां दुहां वइ, अले इमिगु छ्यंया श्रीपेच न्‍ह्याबलेंया निंतिं लसता जुइ। इमिसं खुसि व लसता कायेखनी। अले दुखं व झसुका इपिंपाखें तापाक हे जुइ।

यशैया 60:20

छंगु सूर्य गुबलें बिनावनी मखु, छंगु तिमिला गुबलें मदयावनी मखु। परमप्रभु हे छंगु निंतिं सदांया जः जुयादी, अले छंगु दुःखया दिं मदयावनी।

यशैया 65:19

जि यरूशलेमयात खनाः लय्‌ताये, अले जिमि प्रजापाखें खुशी जुये। अन ख्‍वःसः व ततःसलं हाला हइगु सः हाकनं गुबलें न्‍यनेमाली मखु।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 31:9

इपिं ख्‍वख्‍वं लिहां वइ। जिं इमित लित हइबलय् इमिसं प्रार्थना याइ। जिं इमित खुसिया सिथ सिथ इपिं लुफिं महाइगु पिचुगु लँपुं हये। छाय्‌धाःसा जि इस्राएलया अबु खः, एफ्राइम जिम्‍ह जेठाम्‍ह काय् खः।

इजकिएल 34:23

जिं इमि छम्‍ह हे जक फैजवाः जुइत जिम्‍ह दास दाऊदयात ल्‍यये। वं इमित स्‍वइ, व इमि फैजवाः जुइ।

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

मत्ती 2:6

“‘हे यहूदियाया बेथलेहेम, छ यहूदियाया जुजुपिनिगु न्‍ह्यःने छुं कथं नं चिधं मजू, छाय्‌धाःसा छंगुपाखें छम्‍ह तःधंम्‍ह जुजु पिहां वइतिनि। व जिमि मनू इस्राएलीतय् जवाः जुइतिनि।’”

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

यूहन्‍ना 10:14

“जि भिंम्‍ह फैजवाः खः। अथे जूगुलिं जिं जिम्‍ह फैचात फुक्‍कं म्‍हस्‍यू, अले फैतय्‌सं नं जितः म्‍हस्‍यू।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 4:11

अले व मिसां धाल – “हजुर, तुं तसकं हे तःजाः, लः सालेत छिके छुं हे मदु। छिं जीवन दइगु लः गनं कयादी?

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

१ पत्रुस 5:2

अथे जूगुलिं परमेश्‍वरया फैचातय्‌त छिमिसं बांलाक हेरबिचार याना च्‍वँ। करं क्‍यनाः जक थ्‍व ज्‍या याये मते, छाय्‌धाःसा छिमिसं करं ज्‍या याःगु परमेश्‍वरयात मयः। अले हानं धिबायागु निंतिं जक नं थ्‍व ज्‍या याये मते। दुनुगलंनिसें हे प्रभुयात सेवा यायेगु मतिइ दुसा जक या।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।

प्रकाश 21:22

अन शहरय् जिं देगः छगः हे मखना। अनयागु देगः हे दक्‍व शक्ति दुम्‍ह परमप्रभु परमेश्‍वर व चीधिकःम्‍ह भ्‍याःचा खः।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।

प्रकाश 21:4

वय्‌कलं इमिगु मिखाय् च्‍वंगु ख्‍वबि सुचुक हुयादी। आः अन इपिं सी माली मखुत, दुःखं च्‍वने म्‍वाःल, ख्‍वय् म्‍वाःल, अले छुं नं दुःख जुइ मखुत। पुलांगु ज्‍याखँ फुक्‍कं मदयावने धुंकल।”

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”

प्रकाश 5:6

अले जिं सिंहासन, प्‍यम्‍ह जीवात्‍मा व थकालिपिनिगु दथुइ स्‍याना तये धुंकूम्‍ह थें च्‍वंम्‍ह छम्‍ह चीधिकःम्‍ह भ्‍याःचा दनाच्‍वंगु खना। थ्‍व चीधिकःम्‍ह भ्‍याःचायाके न्‍हय्‌पु नेकू व न्‍हय्‌गः मिखा दु। थ्‍व फुक्‍क पृथ्‍वीइ छ्वयाहःपिं परमेश्‍वरया न्‍हय्‌म्‍ह आत्‍मा खः।