प्रकाश 7:13 - नेवाः बाइबल

¹³ अले छम्‍ह थकालिं जितः थथे धाल – “थ्‍व तुयुगु वसतं फिनातःपिं सु खः, अले इपिं गनं वःपिं खः धकाः छं स्‍यू ला?”

प्रकाश 7:13 ပူးပေါင်းရင်းမြစ်များ

उत्‍पत्ति 16:8

अले वयात न्‍यनादिल, “साराईया दासी हागार, छ गनं वयागु, अले गन वनेत्‍यनागु?” वं लिसः बिल, “जि थः मालिकनी साराईपाखें बिस्‍युं वनाच्‍वनागु खः।”

दानिएल 7:16

अन दनाच्‍वंपिं मध्‍ये जि छम्‍हय्‌सिथाय् वनाः थुपिं फुक्‍क खँया अर्थ न्‍यना। वं थथे धयाः जितः अर्थ कन।

यूहन्‍ना 7:28

देगलय् स्‍यनादीबलय् येशूं तस्‍सलं थथे धयादिल – “छिकपिन्‍सं जितः म्‍हस्‍यू, जि गनयाम्‍ह धकाः नं छिकपिन्‍सं स्‍यू। जि थःयसें वयागु मखु, जितः छ्वयाहयादीम्‍ह सत्‍य परमेश्‍वर खः, छिकपिन्‍सं धाःसा वय्‌कःयात म्‍हमस्‍यू।

प्रेरित 3:12

पत्रुसं इमित धाल – “इस्राएली दाजुकिजापिं, छिपिं थ्‍व खँय् छाय् अजू चायाः दियागु? छिकपिन्‍सं थ्‍व मनूयात जिमिसं जिमिगु धर्म व बलं न्‍यासि वंके फय्‌का ब्‍यूगु धकाः बिचाः यानाच्‍वनागु ला?

प्रकाश 3:4

“अथेसां सार्डिसय् गुलिखय् मनूतय्‌सं थःगु लं यचुकातःगु दु। थुपिं तुइसे च्‍वंगु वसतं पुनाः जि नाप जुइतिनि, छाय्‌धाःसा थुपिं जि नाप जुइत ल्‍वः।

प्रकाश 4:10

इपिं म्‍ये हालाच्‍वंबलय् सिंहासनय् दीम्‍हय्‌सिगु न्‍ह्यःने निइप्‍यम्‍ह थकालिपिन्‍सं क्‍वछुनाः भागि यात। अले थथःगु श्रीपेच वय्‌कःया सिंहासनया न्‍ह्यःने तयाः थथे धाल –

प्रकाश 4:4

अले हानं छचाखेरं निइप्‍यंगू सिंहासन तयातःगु दु। लुँयागु श्रीपेच पुया तःपिं व तुयुगु वसतं पुनातःपिं निइप्‍यम्‍ह थकालिपिं व सिंहासनय् फ्‍यतुनाच्‍वंगु दु।

प्रकाश 5:11

जिं हानं स्‍वयाबलय् लखंलख व करोडौं करोड स्‍वर्गदूततय्‌सं सिंहासन, जीवात्‍मा व थकालिपिनिगु चाकःछिं दनाः

प्रकाश 5:5

अले छम्‍ह थकालिं जितः धाल – “ख्‍वय् मते, यहूदा कुलयाम्‍ह सिंह, दाऊदया तःधंम्‍ह सन्‍तानं थ्‍व भ्‍वंथू फ्‍यनेत व थुकी च्‍वंगु न्‍हय्‌गू छाप प्‍वलेत त्‍याकाः वये धुंकल।”

प्रकाश 7:9

थुलि जुइ धुंकाः जिं स्‍वयाबलय् जात जातियापिं मनूत, कुल कुलयापिं मनूत व फुक्‍क देश देशयापिं मनूत, थीथी भाषां नवाइपिं मनूत तुयुगु वसतं पुनाः ल्‍हातिइ ताय्‌गः सिमायागु कचा ज्‍वनाः सिंहासन व चीधिकःम्‍ह भ्‍याःचाया न्‍ह्यःने दनाच्‍वंगु जिं खना।

न्‍यायकर्ता 13:6

अले व मिसा वनाः थः भाःतयात थथे धाल, “परमेश्‍वरया छम्‍ह मनू जिथाय् वल। वयागु ख्‍वाः स्‍वयाबलय् परमेश्‍वरया दूतयागु थें ग्‍यानापुसे च्‍वँ। जिं वयात व गनं वयागु धकाः मन्‍यना अले वं नं जितः थःगु नां मकं।