प्रकाश 6:2 - नेवाः बाइबल

² अले जिं छम्‍ह तुयुम्‍ह सल खना। थ्‍व सल गया च्‍वंम्‍हय्‌सिके छगू धनु दु। वयात श्रीपेच बिल। अले व त्‍याकुकुं अझ त्‍याकेत वन।

प्रकाश 6:2 ပူးပေါင်းရင်းမြစ်များ

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

भजनसंग्रहया सफू 76:7

हे परमप्रभु, छि हे छम्‍ह जक खः भय काये बहःम्‍ह। छि तंम्‍वइबलय् छिगु न्‍ह्यःने सु च्‍वने फु?

भजनसंग्रहया सफू 98:1

परमप्रभुया निंतिं छपु न्‍हूगु भजन हा, वय्‌कलं अजू चायापुगु ज्‍या यानादीगु दु, थःगु शक्ति व पवित्र बलं वय्‌कः त्‍याःगु दु।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

१ कोरिन्‍थी 15:25

अथेसां ख्रीष्‍टया फुक्‍क शत्रुतय्‌त बुकाः परमेश्‍वरं वय्‌कःयागु पालि तःले मततले वय्‌कलं हे राज्‍य यानादी।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 14:14

अले हानं जिं तुयुगु सुपाँय् खना। छेनय् लुँयागु श्रीपेच दुम्‍ह, ल्‍हातिइ ज्‍वःगु ईंचा ज्‍वनातःम्‍ह मनूया काय् थें च्‍वंम्‍ह छम्‍हय्‌सित सुपाँचय् खना।

प्रकाश 15:2

अले जिं मि ल्‍वाकज्‍याःगु न्‍हाय्‌कंयागु समुद्र थें खना। पशु, वयागु मूर्ति व वयागु नांयागु ल्‍याःयात त्‍याकाः परमेश्‍वरं बियादीगु वीणा कयातःपिन्‍त जिं न्‍हाय्‌कंयागु समुद्रय् दनाच्‍वंगु खना।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:14

यचुसे च्‍वंगु, तुयुगु, बांलाःगु सुति वसतं पुनातःपिं स्‍वर्गय् च्‍वंपिं तुयुगु सल गया च्‍वंपिं सिपाइँत फुक्‍कं वय्‌कःया ल्‍यूल्‍यू जुल।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।

प्रकाश 9:7

थ्‍व क्‍वःबुइँचात लडाइँलय् वनेत्‍यंपिं सल थें च्‍वं। इमिगु छेनय् लुँयागु श्रीपेच थें च्‍वंगु खने दु। इमिगु ख्‍वाःपाः मनूतय्‌गु ख्‍वाःपाः थें च्‍वं।