प्रकाश 6:15 - नेवाः बाइबल

¹⁵ अले पृथ्‍वीइ च्‍वंपिं जुजुपिं, ततःधंपिं मनूत, सेनापतित, तःमिपिं, बल्‍लाःपिं, दास व दासमखुपिं, फुक्‍कं गुफा व तःग्‍वःगु ल्‍वहंया कापिचाय्‌ सुचूवन।

प्रकाश 6:15 ပူးပေါင်းရင်းမြစ်များ

उत्‍पत्ति 3:8

बहनी परमप्रभु परमेश्‍वर क्‍यबय् चाःह्यूवःगु सः इमिसं ताल। अले इमिसं परमेश्‍वरयापाखें थःपिन्‍त बिसिकेत सिमां किकाः च्‍वन।

भजनसंग्रहया सफू 76:12

वय्‌कलं शासकतय्‌गु घमण्‍डयात नचुकादी। पृथ्‍वीया जुजुत वय्‌कः खनाः ग्‍याइ।

यशैया 2:10

परमप्रभुया दण्‍डपाखें बचय् जुइत व वय्‌कःया महिमा, तःजिगु शक्तिपाखें सुपिलेत इपिं तग्‍वःगु ल्‍वहं व गुफाय् दुहांवनी।

यशैया 2:19

परमप्रभुं पृथ्‍वीइ ग्‍यानापुगु छ्वया हयादीबलय् परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 2:21

पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 42:22

तर थ्‍व छगू थज्‍याःगु जाति खः, सुयात लुतय् याःगु दु। इमित कैदी यानाः कालकोठरीइ कुनातःगु दु। इमित लुतय् याःगु दु, अले इमित त्‍वःतकेत व लित छ्वयेत सुं नं वइ मखु।

मीका 7:17

इमिसं ताहानं थें, बँय् घिसय् जुया जुइपिं जन्‍तुं थें म्‍हुतुं धू फ्‍यइ। थथःगु प्‍वालं थुरथुर खाखां इपिं पिहां वइ। इपिं ग्‍यानाः परमप्रभु झी परमेश्‍वरपाखे लिहां वइ, अले इपिं छिपिं खनाः ग्‍याइ।

हिब्रू 11:38

संसार इपिं च्‍वने बहःगु मजुल। इपिं मरुभूमिं मरुभूमिं, पहाडं पहाडं बिस्‍युं जुइ माल। अले गुफा गुफाय्, पाक्‍व पाक्‍वय् सुलाः जुइ माल।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

१ शमूएल 13:6

इस्राएलीत तसकं संकष्‍टय् लात, छाय्‌धाःसा इपिं शत्रुतपाखें आपतय् लाःगु खः। अथे जुयाः इपिं गुफाय्, झालय् व लःकुथिइ, ल्‍वहं कापिचाय्‌ व तुंथिइ सुचुवन।