प्रकाश 6:12 - नेवाः बाइबल

¹² हानं खुगूगु छाप प्‍वःगु जिं खना। अबलय् तसकं हे भ्‍वखाय् ब्‍वल। हाकुगु भांग्रा थें सूर्य हाकुसे च्‍वना वन। तिमिला छपातं हि थें ह्याउँसे च्‍वना वन।

प्रकाश 6:12 ပူးပေါင်းရင်းမြစ်များ

यशैया 24:23

तिमिला खिउँसे च्‍वनी अले सूर्यया जः तनावनी छाय्‌धाःसा दक्‍व शक्ति दुम्‍ह परमप्रभुं सियोन पर्वत च्‍वं यरूशलेमय् शासन यानादी अले मनूतय् नायःतय्‌सं वय्‌कःया महिमा खनी।

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 34:4

आकाशया फुक्‍क नगुत तनावनी। अले आकाश भ्‍वँ थू तु थें तनावनी। दाखया मां सुकूचिंगु हःत व यःमरिमां सुकूचिंगु फलत कुतुं वः थें आकाशया नगु-नक्षत्रत कुतुंवइ।

यशैया 50:3

जिं आकाशयात खिउँगुलिं त्‍वपुयाबी, अले उकियात भांग्रा फीकाबी।”

योएल 2:10

इमिगु न्‍ह्यःने पृथ्‍वी क्‍वारा क्‍वारा सनी अले आकाश थुरथुर खाइ। सूर्य व तिमिला खिउँसे च्‍वनी, अले नगुत नं थी मखु।

योएल 3:15

सूर्य व तिमिला खिउँसे च्‍वनी, अले नगु थी मखु।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

आमोस 8:9

परमप्रभु परमेश्‍वरं धयादी, “व दिं” जिं सूर्य न्‍हिनय् बिनावंका बी, न्‍हिनय् हे पृथ्‍वीयात खिउँकाबी।

जकरिया 14:5

छिपिं जिगु पहाडया गाः जुयाः बिस्‍युं वनी छाय्‌धाःसा व गाः आसेल तक थ्‍यनी। यहूदायाम्‍ह जुजु उज्‍जियाहया पालय् भुखाय् ब्‍वःबलय् मनूत बिस्‍युं वं थें छिपिं बिस्‍युं वनी। अबलय् परमप्रभु जिमि परमेश्‍वर थः पवित्रम्‍हनापं झाइ।

मत्ती 11:21

“हे खोराजीन व बेथसेदाय् च्‍वंपिं मनूत, छिमित धिक्‍कार दु, छाय्‌धाःसा छिमिथाय् याःगु अजू चायापुगु ज्‍याखँ टुरोस व सीदोनय् याःगु जूसा अन च्‍वंपिन्‍सं उबलय् हे भांग्रां हिनाः नौनं बुयाः पश्‍चाताप याये धुंकल जुइ।

मत्ती 24:29

“थथे दुःखकष्‍ट जुइ धुनेवं “‘सूर्य खिउँया वनी, तिमिला बुलुयावनी, अले आकाशय् च्‍वंगु नगुत कुतुं वनी, थथे आकाशय् च्‍वंगु शक्ति खाइ।’

मत्ती 24:7

देश देशयापिनि दथुइ ल्‍वापु जुइ। राज्‍य राज्‍यया दथुइ ल्‍वापु जुइ। थाय् थासय् अनिकाल जुइ, अले भ्‍वखाय् ब्‍वइ।

मत्ती 27:45

अबलय् न्‍हिनय् बाह्र बजेनिसें तीन बजे तक सारा देश हे खिउँसे च्‍वना वन।

मत्ती 27:54

थथे भ्‍वखाय् ब्‍वःगु व अन जूगु फुक्‍कं खनाः येशूयात पिवाः च्‍वंपिं कप्‍तान व सिपाइँत फुक्‍कं ग्‍यात। अले थथे धाल – “धात्‍थें हे व ला परमेश्‍वरया काय् खः।”

मत्ती 28:2

अबलय् आकाझाकां तसकं भ्‍वखाय् ब्‍वल। अले परमेश्‍वरया छम्‍ह दूत स्‍वर्गं वयाः प्‍वाः तिनातःगु ल्‍वहं चीकाः उकी द्यःने च्‍वन।

मर्कूस 15:33

अबलय् न्‍हिनय् बाह्र बजेनिसें तीन बजे तक सारा संसार हे खिउँसे च्‍वना वन।

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।

प्रकाश 16:18

अले अन न न्‍यात, हावलासा त्‍वल, तसकं भ्‍वखाय् ब्‍वल। मनूतय्‌गु सृष्‍टि जूसांनिसें थपाय्‌सकं तःधंगु व ग्‍यानापुगु भ्‍वखाय् गुबलें हे मब्‍वःनि।

प्रकाश 16:8

प्‍यम्‍हम्‍ह स्‍वर्गदूतं थःगु ख्‍वल्‍चा सूर्ययात प्‍वंकाबिल। थुकथं सूर्ययागु मि थें ज्‍याःगु तापं मनूतय्‌त पुकेबिल।

प्रकाश 8:12

अले प्‍यम्‍हम्‍ह स्‍वर्गदूतं थःगु तुरही पुल। स्‍वब्‍वय् छब्‍व सूर्य व स्‍वब्‍वय् छब्‍व तिमिला व स्‍वब्‍वय् छब्‍व नगुयात स्‍यंका ब्‍यूगुलिं स्‍वब्‍वय् छब्‍व न्‍हि खिउँसे च्‍वना वन, स्‍वब्‍वय् छब्‍व चा नं अथे हे जुल।

प्रकाश 8:5

अले स्‍वर्गदूतं गुँगू मकः कयाः उकी वेदीइ च्‍वंगु मि जाय्‌क तयाः पृथ्‍वीइ वान्‍छ्वया हल। अले ग्राङ्‌गग्रुङ्‌ग सः वल प्‍वालाक्‍क पिलाक हावलासा त्‍वल। अले हानं भ्‍वखाय् ब्‍वल।