प्रकाश 6:1 - नेवाः बाइबल

¹ चीधिकःम्‍ह भ्‍याःचां न्‍हय्‌गू मध्‍ये छगू छाप प्‍वःगु जिं खना। अले प्‍यम्‍ह मध्‍ये छम्‍ह जीवात्‍मां नँ न्‍याः थें तःसलं “वा” धाःगु जिं ताया।

प्रकाश 6:1 ပူးပေါင်းရင်းမြစ်များ

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

प्रेरित 4:20

जिमिसं थःपिन्‍सं खंगु व ताःगु खँ मधासे च्‍वने मफु।”

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 14:2

अले यक्‍व लःयागु सः व तसकं नँ न्‍याःगु सः थें च्‍वंक स्‍वर्गं धयाहःगु छगू तःधंगु सः जिं ताल। थ्‍व सः यक्‍व वीणा थाःगु सः थें नं च्‍वं।

प्रकाश 19:6

अनं लिपा हुल हुल मनूतय्‌गु सः थें, यक्‍व लःयागु सः थें, ग्राङ्‌गग्रुङ्‌ग मिंक न न्‍याःगु सः थें थथे धकाः हाला हःगु जिं ताल – “हल्‍लेलूयाह, दक्‍व शक्ति दुम्‍ह झी परमप्रभु परमेश्‍वरं राज्‍य यानादी।

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”

प्रकाश 5:1

सिंहासनय् फ्‍यतुना च्‍वंम्‍हय्‌सिगु जव ल्‍हातय् दुने नं पिने नं च्‍वयातःगु भ्‍वं छथू खना। उकी न्‍हय्‌थाय् छाप तयातःगु दु।

प्रकाश 5:12

थथे म्‍ये हाला च्‍वंगु खना – “स्‍याये धुंकूम्‍ह चीधिकःम्‍ह भ्‍याःचा हे शक्ति, धन, बुद्धि, बल, महिमा, हनाबना व तःधंके बहःम्‍ह खः।”

प्रकाश 5:8

थुकथं वं थ्‍व भ्‍वंथू काये धुंकाः प्‍यम्‍ह जीवात्‍मा व निइप्‍यम्‍ह थकालिपिं चीधिकःम्‍ह भ्‍याःचायागु न्‍ह्यःने क्‍वछुत। इपिं फुक्‍कसिके वीणा व गुँगू थनातःगु लुँयागु मकः दु। थ्‍व विश्‍वासीतय्‌गु प्रार्थना खः।

प्रकाश 6:3

चीधिकःम्‍ह भ्‍याःचां निगूगु छाप प्‍वःबलय् निम्‍हम्‍ह जीवात्‍मां “वा” धकाः धाःगु जिं ताया।

प्रकाश 6:5

चीधिकःम्‍ह भ्‍याःचां हानं मेगु स्‍वंगूगु छाप प्‍वःबलय् हानं स्‍वम्‍हम्‍ह जीवात्‍मां थथे धाल – “वा।” अले हानं छम्‍ह हाकुम्‍ह सलयात खना। थ्‍व सल गया च्‍वंम्‍हय्‌सिगु ल्‍हातय् छज्‍वः ताल्‍जु दु।

प्रकाश 6:7

हानं प्‍यंगूगु छाप प्‍वःबलय् प्‍यम्‍हम्‍ह जीवात्‍मां थथे धाःगु जिं ताया – “वा।”

प्रकाश 8:1

चीधिकःम्‍ह भ्‍याःचां न्‍हय्‌गूगु छाप प्‍वःबलय् बाघौ तक स्‍वर्गय् सुनसान जुल।