प्रकाश 5:9 - नेवाः बाइबल

⁹ इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।

प्रकाश 5:9 ပူးပေါင်းရင်းမြစ်များ

भजनसंग्रहया सफू 144:9

हे परमेश्‍वर, जिं छितः छपु न्‍हूगु भजन हालाः न्‍यंके, जिं वीणा थानाः छितः भजन न्‍यंके।

भजनसंग्रहया सफू 149:1

हल्‍लेलूयाह! परमप्रभुया निंतिं छपु न्‍हूगु भजन हा, विश्‍वास याये बहःपिनिगु सभाय् वय्‌कःया प्रशंसा या!

भजनसंग्रहया सफू 33:3

वय्‌कःया निंतिं न्‍हूगु भजन हा। यइपुक तार बाजं थानाः म्‍ये हालाः लय्‌ता।

भजनसंग्रहया सफू 40:3

वय्‌कलं जितः छपु न्‍हूगु म्‍ये स्‍यनादिल, झी परमेश्‍वरयात तःधंकाः हालेगु म्‍ये। यक्‍वसिनं हे थ्‍व खनी, अले भय काइ। अले इमिसं परमप्रभुयाके भलसा तइ।

भजनसंग्रहया सफू 96:1

परमप्रभुया निंतिं छपु न्‍हूगु भजन हा, हे पृथ्‍वीयापिं सकल मनूत, परमप्रभुया निंतिं प्रशंसाया म्‍ये हा!

भजनसंग्रहया सफू 98:1

परमप्रभुया निंतिं छपु न्‍हूगु भजन हा, वय्‌कलं अजू चायापुगु ज्‍या यानादीगु दु, थःगु शक्ति व पवित्र बलं वय्‌कः त्‍याःगु दु।

यशैया 42:10

परमप्रभुया निंतिं छपु न्‍हूगु भजन हा, पृथ्‍वीया ताताःपाःगु थासं वय्‌कःया प्रशंसा या। हे समुद्रय् यात्रा याइपिं अले उकी दुगु फुक्‍क जीवजन्‍तुं, हे टापुत अले अन च्‍वंपिं फुक्‍क मनूत!

दानिएल 3:4

उबलय् नाय्‌खिं च्‍वय्‌कः वःम्‍ह मनुखं ततःसलं हालाः थथे धाल, “हे देश-देशयापिं, जाति जातियापिं, थीथी भाय् ल्‍हाइपिं मनूत जुजुया आज्ञा न्‍यँ!

दानिएल 4:1

नबूकदनेसर जुजुं संसारया जाति जाति, देश देश व थीथी भाय् ल्‍हाइपिं मनूतय्‌थाय् थ्‍व बुखँ छ्वत– छिमिगु भिं जुइमा!

दानिएल 5:19

अले परमेश्‍वरं वय्‌कःयात तःधंकादीगुलिं जाति जातियापिं, देश देशयापिं, अले थीथी भाय् ल्‍हाइपिं मनूत वय्‌कः खनाः ग्‍याइगु व थुरथुर खाइगु। वय्‌कलं सुयात स्‍याये मास्‍ति वय्‌कादी वयात स्‍यानादी, सुयात म्‍वाकातये मास्‍ति वय्‌कादी वयात म्‍वाःका तयादी। सुं मनूयात हनाबना यायेगु व क्‍वह्यंकेगु वय्‌कःया ल्‍हातय् दु।

दानिएल 6:25

अले दारा जुजुं पृथ्‍वीयापिं फुक्‍क जातित, देशयापिं व थीथी भाय् ल्‍हाइपिं मनूतय्‌त थथे च्‍वल, “छिमिगु भिं जुइमा।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

१ कोरिन्‍थी 6:20

छिपिं मू पुलाः न्‍याना तःपिं खः। अय्‌जूगुलिं छिमिगु म्‍हं परमेश्‍वरयात तःधंकेमाः।

१ कोरिन्‍थी 7:23

छिमित परमेश्‍वरं मू पुलाः न्‍यानादीगु खः, उकिं छिपिं मनूतय् दास जुइ मते।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

एफिसी 5:19

थथःपिं मुनाः भजन, म्‍ये हालाः दुनुगलंनिसें परमेश्‍वरयात तःधंका च्‍वँ।

कलस्‍सी 1:14

वय्‌कःया काय्‌नं हे झीत पाप क्षमा यानाः छुत्‍कारा बियादिल।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 11:14

थथे धया जुइपिन्‍सं थःगु देश मालाच्‍वंगु दु धकाः सी दु।

२ पत्रुस 2:1

न्‍हापा न्‍हापा नं मखुगु खँ स्‍यना जुइपिं अगमवक्तात दयावःगु खः। अथे हे छिमिगु पुचलय् नं मखुगु खँ स्‍यना जुइपिं मनूत दयावइतिनि। अज्‍याःपिं मनूतय्‌सं छिमित मखुगु खँ जक स्‍यनाबीगु कुतः याइ। इमित मुक्ति बियादीम्‍ह येशू ख्रीष्‍टयात हे इमिसं त्‍वःतावनी, अले याकनं हे स्‍यनावनी।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

प्रकाश 10:11

अले वं जितः धाल – “हानं छकः यक्‍व देश देशयापिं मनूतय्‌त, जात जातियापिं मनूतय्‌त, थीथी भाषां नवाइपिं मनूतय्‌त व जुजु जुजुपिन्‍त नं छं अगमवाणी कने मानि।”

प्रकाश 11:9

देश देशयापिं मनूतय्‌सं, कुल कुलयापिं मनूतय्‌सं, थीथी भाषां नवाइपिं मनूतय्‌सं व जात जातियापिं मनूतय्‌सं इमिगु सीम्‍ह स्‍वन्‍हु व बान्‍हु तक स्‍वयाच्‍वनी। इमिसं सीम्‍ह थुंके बी मखु।

प्रकाश 13:7

वयात विश्‍वासीतनाप ल्‍वायेगु व इमित बुकेगु अधिकार बिल। फुक्‍क कुलयापिं मनूतय्‌त, देश देशयापिं मनूतय्‌त, थीथी भाषां नवाइपिं मनूतय्‌त व जात जातियापिं मनूतय्‌त नं व पशुयात अधिकार याकेबिल।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 14:6

अले छम्‍ह स्‍वर्गदूत आकाशं आकाशं ब्‍वया जूगु जिं खना। वं पृथ्‍वीइ च्‍वंपिं फुक्‍क जातियापिं मनूतय्‌त, कुलयापिं मनूतय्‌त, थीथी भाषां नवाइपिं मनूतय्‌त, व देश देशयापिं मनूतय्‌त न्‍यंकेत न्‍ह्याबलें दयाच्‍वनीगु भिंगु खँ ज्‍वना वयाच्‍वंगु दु।

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”

प्रकाश 5:12

थथे म्‍ये हाला च्‍वंगु खना – “स्‍याये धुंकूम्‍ह चीधिकःम्‍ह भ्‍याःचा हे शक्ति, धन, बुद्धि, बल, महिमा, हनाबना व तःधंके बहःम्‍ह खः।”

प्रकाश 5:6

अले जिं सिंहासन, प्‍यम्‍ह जीवात्‍मा व थकालिपिनिगु दथुइ स्‍याना तये धुंकूम्‍ह थें च्‍वंम्‍ह छम्‍ह चीधिकःम्‍ह भ्‍याःचा दनाच्‍वंगु खना। थ्‍व चीधिकःम्‍ह भ्‍याःचायाके न्‍हय्‌पु नेकू व न्‍हय्‌गः मिखा दु। थ्‍व फुक्‍क पृथ्‍वीइ छ्वयाहःपिं परमेश्‍वरया न्‍हय्‌म्‍ह आत्‍मा खः।