प्रकाश 4:7 - नेवाः बाइबल

⁷ न्‍हापांम्‍ह सिंह थें च्‍वं, निम्‍हम्‍ह द्वहं थें च्‍वं, अले स्‍वम्‍हम्‍हय्‌सिगु ख्‍वाः मनूयागु ख्‍वाः थें च्‍वं, प्‍यम्‍हम्‍ह ब्‍वया च्‍वंम्‍ह इमा थें च्‍वं।

प्रकाश 4:7 ပူးပေါင်းရင်းမြစ်များ

उत्‍पत्ति 49:9

यहूदा सिंहया मचा खः, व शिकारय् हे ब्‍वलन, सिंह थें व घ्‍वंस्‍यानाः ग्‍वारातुली। सुनां वयात थनेगु आँट याइ?

२ शमूएल 1:23

“शाऊल व जोनाथन म्‍वानाच्‍वंबलय् मनूतय् यःपिं व मनूतय्‌त तसकं दयामाया याइपिं खः। सी धुंकाः नं इपिं थ्‍वपाखें अलग मजू। इपिं इमा स्‍वयाः नं अप्‍वः ब्‍वाँय् वनीपिं खः, अले इपिं सिंहत स्‍वयाः नं तसकं बल्‍लाःपिं खः।”

हितोपदेश 28:2

देशय् ल्‍वापु जुइबलय् तःम्‍ह नेतात बुया वइ, तर दुग्‍यां दुम्‍ह नेतां देशयात न्‍हूधाः याइ।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

इजकिएल 1:10

इमिगु ख्‍वाः थथे च्‍वं– उपिं प्‍यम्‍हं प्राणीतय्‌गु छपा ख्‍वाः मनूयागु थें च्‍वं। इमिगु जव पाखेया ख्‍वाः धाःसा सिंहयागु थें, खव पाखेयागु ख्‍वाः द्वहंयागु थें व ल्‍युने पाखेयागु ख्‍वाः इमायागु थें च्‍वं।

इजकिएल 1:8

इमिगु पपूया क्‍वय् प्‍यखें मनूयागु थें ल्‍हाः दु। अले उपिं प्‍यम्‍हं प्राणीतय्‌के ख्‍वाः व पपू दु,

इजकिएल 10:14

छम्‍ह छम्‍ह करूबया पेपा पेपा ख्‍वाः दु। न्‍हापांगु ख्‍वाः करूबयागु, निगूगु ख्‍वाः मनूयागु, स्‍वंगूगु ख्‍वाः सिंहयागु व प्‍यंगूगु ख्‍वाः इमायागु थें च्‍वं।

इजकिएल 10:21

इपिं फुक्‍कसिके प्‍यपा प्‍यपा ख्‍वाः व प्‍यपा प्‍यपा पपू दु, उपिं पपूया क्‍वय् मनूयागु थें ल्‍हाः दु।

दानिएल 7:4

“न्‍हापां पिहांवःम्‍ह सिंह थें च्‍वंम्‍ह जन्‍तु खना, तर वयाके इमायाके थें पपू दु। जिं स्‍वयाच्‍वनाबलय् हे वयागु पपू पुल। अले व जन्‍तुयात मनू थें निपु तुतिं थनाबिल अले वयात मनूयागु मन बिल।

ओबदिया 1:4

तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ स्‍वँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

गन्‍ती 23:24

इपिं मिसाम्‍ह सिंह थें दनी, अले हय्‌क्‍कायेत्‍यंम्‍ह सिंह थें दनी। थःगु शिकार मस्‍यातले, अले वयागु हि मत्‍वंतले व सुम्‍क च्‍वनी मखु।”

गन्‍ती 24:9

इपिं सिंहं थें फ्‍यतुनाच्‍वनी, मिसाम्‍ह सिंहयात थें इमित सुनां थने फइ? इमित आशिष ब्‍यूपिन्‍त आशिष लाइ, इमित सराः ब्‍यूपिन्‍त सराः लाइ।”

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

व्‍यवस्‍था 28:49

तःधिकःम्‍ह इमा स्‍वात्त क्‍वय् कुहां वइगु थें हे परमप्रभुं छिमिगु विरोधय् तापाकं पृथ्‍वीयागु कुन्‍चानिसें छिमिसं मथूगु भाय् ल्‍हाइपिं छगू जाति हयादी।

प्रकाश 4:6

सिंहासनया न्‍ह्यःने न्‍हाय्‌कंयागु समुद्र थें यचुसे खने दु। सिंहासनया छचाखेरं ल्‍युने नं न्‍ह्यःने नं मिखाया मिखा दुपिं प्‍यम्‍ह जीवात्‍मा दु।

प्रकाश 6:3

चीधिकःम्‍ह भ्‍याःचां निगूगु छाप प्‍वःबलय् निम्‍हम्‍ह जीवात्‍मां “वा” धकाः धाःगु जिं ताया।

प्रकाश 6:5

चीधिकःम्‍ह भ्‍याःचां हानं मेगु स्‍वंगूगु छाप प्‍वःबलय् हानं स्‍वम्‍हम्‍ह जीवात्‍मां थथे धाल – “वा।” अले हानं छम्‍ह हाकुम्‍ह सलयात खना। थ्‍व सल गया च्‍वंम्‍हय्‌सिगु ल्‍हातय् छज्‍वः ताल्‍जु दु।

प्रकाश 6:7

हानं प्‍यंगूगु छाप प्‍वःबलय् प्‍यम्‍हम्‍ह जीवात्‍मां थथे धाःगु जिं ताया – “वा।”