प्रकाश 3:5 - नेवाः बाइबल

⁵ थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।

प्रकाश 3:5 ပူးပေါင်းရင်းမြစ်များ

भजनसंग्रहया सफू 109:13

वया फुक्‍क मस्‍त सिनावनेमा, अले मेगु पुस्‍तां वयात ल्‍वःमंके धुंकूगु जुइमा।

भजनसंग्रहया सफू 69:28

जीवनया सफुलिं इमिगु नां हुयादिसँ। धर्मीतय्‌गु धलखय् इमिगु नां च्‍वयादी मते।

मलाकी 3:17

“गुखुन्‍हु जिं इमित थःगु सम्‍पत्ति थें दय्‌केगु ज्‍या याये उखुन्‍हु हे इपिं जिम्‍ह मनूत जुइ। बौनं थःगु खँ न्‍यनीम्‍ह काय्‌यात गथे दया माया यानाः ल्‍यंका तइ अथे हे जिं इमित ल्‍यंकातये,” दक्‍व शक्ति दुम्‍ह परमप्रभुं धयादी।

मत्ती 10:32

“सुनां मनूतय्‌गु न्‍ह्यःने ‘जि ख्रीष्‍टयाम्‍ह मनू खः’ धकाः धाइ, जिं नं स्‍वर्गय् जिमि बाःया न्‍ह्यःने वयात ‘जिम्‍ह मनू खः’ धकाः धाये।

लूका 10:20

अथे भूत आत्‍मातय्‌सं नं छिमिगु खँ न्‍यं धकाः लय्‌तायेगु बांलाःगु खँ मखु, बरु छिमिगु नां स्‍वर्गय् च्‍वयातःगु दु धकाः लय्‌ता।”

लूका 12:8

“सुनां मनूतय्‌गु न्‍ह्यःने ‘जि ख्रीष्‍टयाम्‍ह मनू खः’ धकाः धाइ, मनूया काय्‌नं नं परमेश्‍वरयापिं स्‍वर्गदूततय्‌गु न्‍ह्यःने वयात ‘जिम्‍ह मनू खः’ धकाः धाइ।

व्‍यवस्‍था 9:14

इमित नाश यायेत छं जितः पने मते। जिं इमिगु नां पृथ्‍वीं हे मदय्‌काः छ्वये। अले छपाखें हे इपिं स्‍वयाः तःधंगु व बल्‍लाःगु जाति दय्‌के।”

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 19:8

वयात तसकं प्‍वाला प्‍वाला थीगु, यचुसे च्‍वंगु, बांलाःगु सुति कापतं पुंका तःगु दु।” (बांलाःगु सूती कापः विश्‍वासीतय्‌गु बांलाःगु भिंगु ज्‍याखँ खः।)

प्रकाश 2:11

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःपिन्‍त नरकय् छ्वइ हे मखु।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:4

“अथेसां सार्डिसय् गुलिखय् मनूतय्‌सं थःगु लं यचुकातःगु दु। थुपिं तुइसे च्‍वंगु वसतं पुनाः जि नाप जुइतिनि, छाय्‌धाःसा थुपिं जि नाप जुइत ल्‍वः।

प्रकाश 6:11

अले इपिं फुक्‍कसितं छपाः छपाः तुयुगु लं बिल। इपिं थें तुं स्‍याके मानिपिं परमेश्‍वरया दासत व इमि दाजुकिजापिन्‍त नं मस्‍यातले पियाच्‍वँ धकाः इमित धाल।

१ शमूएल 17:25

इमिसं थःथवय् थथे धाल, “वयात स्‍वसा! व इस्राएलयात ख्‍याच्‍वः बीत पिहां वयाच्‍वंगु दु! वं धाःगु ख्‍याच्‍वःयात न्‍यँ! वयात स्‍याइम्‍ह मनूयात शाऊल जुजुं तःधंगु सिरपाः बीगु अले थःम्‍ह्याय्‌यात नं व नापं ब्‍याहा यानाबी धकाः धाःगु दु। अले वया परिवारं नं कर पुलेमाली मखु।”