प्रकाश 3:3 - नेवाः बाइबल

³ छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।

प्रकाश 3:3 ပူးပေါင်းရင်းမြစ်များ

इजकिएल 20:43

छिमिगु गुगु पहःचहः व ज्‍यापाखें छिपिं अशुद्ध जूगु खः, उपिं छिमिसं अन लुमंकी। अले छिमिसं याःगु मभिंगु ज्‍याया लागि छिमिसं थःम्‍हं थःपिन्‍त मययेका हइ।

इजकिएल 36:31

अबलय् छिमिसं थःगु मभिंगु चाला व मभिंगु ज्‍यायात लुमंकी, थःगु पाप व घच्‍चाइपुगु चलनया कारणं छिमिसं थःपिन्‍त हे घृणा याइ।

मत्ती 25:13

“उकिं छिपिं नं होश‍यानाच्‍वँ, छाय्‌धाःसा मनूया काय् गुबलय्, गुखुन्‍हु वइ धकाः छिमिसं मस्‍यू।

मर्कूस 13:33

अय्‌जूगुलिं होश‍यानाच्‍वँ, छाय्‌धाःसा थथे गुबलय् जुइ धकाः छिमिसं मस्‍यू।

मर्कूस 13:36

आकाझाकां वइबलय् वं छिपिं द्यनाच्‍वंगु मलायेमा।

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

१ तिमोथी 6:20

तिमोथी, छु छन्‍त लःल्‍हाना बियातःगु खः व बांलाक बिचाः याना ति। संसारयागु म्‍वाःमदुगु खँपाखें व गुलिखय् मनूतय्‌सं “ज्ञान” धकाः धयातःगु मखुगु खँपाखें तापाक हे च्‍वँ।

२ तिमोथी 1:13

ख्रीष्‍ट येशूं झीत क्‍यनादीगु विश्‍वास व माया थें छं नं जिं धयागु फुक्‍क खँ याना क्‍यँ।

हिब्रू 2:1

अय्‌जूगुलिं झीसं न्‍यनागु परमेश्‍वरयागु सत्‍य व भिंगु खँयात क्‍वात्तुक ज्‍वनाः च्‍वनेमाली, मखुसा झीसं लँ द्वंकी।

२ पत्रुस 1:13

म्‍वाना च्‍वंतले थ्‍व खँ छिमित लुमंका बियाच्‍वनेगु जितः तसकं भिं ताल।

२ पत्रुस 3:1

यःपिं दाजुकिजापिं, थ्‍वनापं जिं छिमित पौ च्‍वयाहयागु निकः जुल। निगुली नं जिं छिमिगु यचुगु मनयात लुमंका बियाः न्‍ह्यलं चाय्‌केत थ्‍व खँ च्‍वयाहयागु खः।

२ पत्रुस 3:10

प्रभु झायादीगु सुनानं सी मखु। अबलय् आकाश तसकं सः वयाः मदयावनी। अले आकाशय् च्‍वंगु दक्‍व फुक्‍कं छ्वयाः नौ जुयावनी। पृथ्‍वी व पृथ्‍वीइ च्‍वंगु नं दक्‍व फुक्‍कं नाश जुयावनी।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

प्रकाश 2:25

आः थें तुं छिपिं जि मवतले विश्‍वासय् बल्‍लाना च्‍वँ।

प्रकाश 2:5

उकिं छिमिसं गनथाय् द्वंकागु खः लुमंकाः पश्‍चाताप यानाः न्‍हापा न्‍हापा याःथें थौंकन्‍हय् नं याये माल। मखुसा जि हे वयाः छिमिगु त्‍वाःदेवा उकिया थासं लिकयाबी। उकिं छिमिसं पश्‍चाताप याये हे माः।

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 3:11

जि याकनं वयेत्‍यनागु दु, उकिं छिमिके दुगु त्‍वःफिके मते। अले जक छिमित बीगु श्रीपेच सुनानं लाकाकाये फइ मखु।

प्रकाश 3:19

जिं माया यानापिन्‍त कजय् नं याये, ब्‍वः नं बी, उकिं जिगु वचन बांलाक मानय् यायेमाः व पश्‍चाताप नं यायेमाः।

प्रकाश 3:2

न्‍ह्यलं चायेका च्‍वँ, ल्‍यंदनिगु खँयात बल्‍लाका ति। मखुसा याकनं हे तनावनी। जिमि परमेश्‍वरया न्‍ह्यःने छिमिसं याना जूगु ज्‍याखँ बांलाः मजू धकाः जिं स्‍यू।