प्रकाश 3:20 - नेवाः बाइबल

²⁰ “स्‍व, जिं लुखाय् दनाः सःताच्‍वना। सुनानं जिगु सः तायाः खापा चाय्‌का ब्‍यूसा जि दुहां वनाः व नाप नयेत्‍वने याये। अले वं जि नाप नयेत्‍वने याइ।

प्रकाश 3:20 ပူးပေါင်းရင်းမြစ်များ

मत्ती 24:33

थुकथं जिं धया थें जुयावल कि छिमिसं मनूया काय् वइन धकाः सीकि।

लूका 17:8

छिमिसं वयात थथे ला धाइ – ‘वनाः याकनं नयेगु ज्‍वरय् या, अले जि नये मधुंतले पियाच्‍वँ। जिं नये धुंकाः तिनि छं न।’

यूहन्‍ना 10:3

फैजवाःयात लुखा पिवालं खापा चाय्‌काबी। फैतय्‌सं नं वयागु सः ताइ। अले वं फैचातय्‌त नां कयाः सःताः पिने ब्‍वना यंकी।

याकूब 5:9

दाजुकिजापिं, छिपिं थःथवय् कचकच याना जुइ मते। अले जक परमेश्‍वरं छिमित भिंपिं मनूत खः धकाः सजाँय बियादी मखु। स्‍व, मनूतय्‌त न्‍याय यानादीम्‍ह प्रभु याकनं हे झायादीत्‍यंगु दु।

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”