प्रकाश 3:2 - नेवाः बाइबल

² न्‍ह्यलं चायेका च्‍वँ, ल्‍यंदनिगु खँयात बल्‍लाका ति। मखुसा याकनं हे तनावनी। जिमि परमेश्‍वरया न्‍ह्यःने छिमिसं याना जूगु ज्‍याखँ बांलाः मजू धकाः जिं स्‍यू।

प्रकाश 3:2 ပူးပေါင်းရင်းမြစ်များ

१ राजा 11:4

सोलोमन बुरा जूबलय् वया कलाःपिन्‍सं वयागु मनयात विदेशी द्यःतपाखे हीकाबिल। थः अबु दाऊद थें व दुनुगलंनिसें परमप्रभु थः परमेश्‍वरया भक्त मजू।

१ राजा 15:3

वया न्‍ह्यः वया बौनं याःगु फुक्‍क पाप वं नं यात। वं थः पुर्खा दाऊदं थें परमप्रभु थः परमेश्‍वरयात दुनुगलंनिसें मानय् मयाः।

२ इतिहास 25:2

वं परमप्रभुया मिखाय् भिंगु ज्‍या यात, दुनुगलंनिसें धाःसा मखु।

अय्‍यूब 16:5

तर जिगु म्‍हुतुं छितः हःपाः बीगु, जिं न्‍ववानागु सान्‍त्‍वनाया वचनं छितः शान्‍ति दइगु।

यशैया 35:3

बमलाःगु ल्‍हात बल्‍लाकि! अले बमलाःगु पुलि बल्‍लाकि!

यशैया 56:10

इस्राएलया फुक्‍क पिवाःत कांपिं खः। इपिं फुक्‍कं ज्ञां मदुपिं खः। इपिं उइ मफुपिं खाखः खिचात थें खः। इपिं ग्‍वारातुली अले म्‍हगस खनी। इपिं द्येने जक मास्‍तिवय्‌काच्‍वनी।

यशैया 57:12

जिमिसं छु यानाः व धार्मिकता खः धकाः बिचाः याइ, तर जिं छिमिगु चाला क्‍यनाबी। अले उकिं छिमित छुं नं फाइदा दइ मखु।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

दानिएल 5:27

“टेकेल – छःपिन्‍त तराजुइ लंगु दु, अले याउँसे च्‍वंगु लुइकूगु दु।

जकरिया 11:16

जिं थःगु बथां स्‍वयेत मेम्‍ह छम्‍ह फैजवाः तये। वं तंपिं फैतय्‌त वास्‍ता याइ मखु, थुखेलाः उखेलाः जूपिन्‍त मुंकी नं मखु, घाःपा जूपिन्‍त लंकी नं मखु, छुं मजूपिन्‍त ज्‍वइ नं मखु। वं बांबालाःपिं फैतय्‌गु ला नइ अले इमिगु ख्‍वःयात सालाः लिकाइ।”

मत्ती 23:5

“इमिसं न्‍ह्यागु ज्‍यां मनूतय्‌त क्‍यनेत जक याइ। इमिसं व्‍यवस्‍थायागु खँपुयात चिनाः गुलि फत तःधं यानाः थःगु लप्‍पाय् व कपालय् चिना जुइ। अले थःगु वसतय् ताःहाकय्‌क फुर्का तया जुइ।

मत्ती 25:13

“उकिं छिपिं नं होश‍यानाच्‍वँ, छाय्‌धाःसा मनूया काय् गुबलय्, गुखुन्‍हु वइ धकाः छिमिसं मस्‍यू।

मत्ती 25:7

“इपिं झिम्‍हय्‌सिनं दनाः थथःगु मत मिलय् यात।

प्रेरित 18:23

लिपा व हानं गलातिया व फ्रिगिया वनाः थाय् थासय् च्‍वंपिं विश्‍वासीतय्‌त साहस बियाः विश्‍वासय् बल्‍लाका थकल।

व्‍यवस्‍था 3:28

अय्‌नं यहोशूयात आज्ञा ब्‍यु, वयात हःपाः बियाः बल्‍लाकि, छाय्‌धाःसा वं हे छं खंगु देश अधिकारय् हयेत थुपिं मनूतय्‌त यर्दन खुसिया उखे यंकी।”

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

प्रकाश 2:4

“अय्‌नं छिमिसं जितः न्‍हापा न्‍हापा माया याना जू थें थौंकन्‍हय् मयात धकाः जिं छिमित धायेमाल।

प्रकाश 3:1

“सार्डिसय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया न्‍हय्‌म्‍ह आत्‍मा व न्‍हय्‌गः नगु दुम्‍हय्‌सिनं थथे धयादी – “छिमिसं यानाच्‍वंगु ज्‍याखँ जिं स्‍यू। मनूतय्‌सं छिपिं म्‍वानाच्‍वंपिं खः धकाः बिचाः याइ, अय्‌नं धात्‍थें धाये धाःसा छिपिं सीपिं खः।

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।