प्रकाश 3:14 - नेवाः बाइबल

¹⁴ “लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

प्रकाश 3:14 ပူးပေါင်းရင်းမြစ်များ

उत्‍पत्ति 49:3

रूबेन, छ जिम्‍ह न्‍हापांम्‍ह काय् खः, छ जिगु बल खः, जिगु ल्‍याय्‌म्‍हसूया न्‍हापांम्‍ह काय् खः, जिगु दक्‍वसिबय् तःधंगु गौरव खः।

हितोपदेश 14:5

खःगु साक्षीं मखुगु खँ ल्‍हाइ मखु, फताहा साक्षीं मखुगु जक साक्षी बियाजुइ।

हितोपदेश 8:22

“परमप्रभुं सृष्‍टिया शुरुं हे जितः दय्‌कादिल, वय्‌कःया सृष्‍टिया ज्‍या स्‍वयाः न्‍ह्यः हे।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

यशैया 65:16

सुनां थ्‍व देशय् सुवाःयात फ्‍वनी, वं धात्‍थें परमेश्‍वरया नामं थथे याइ, थ्‍व देशय् पाफइपिन्‍सं परमेश्‍वरया नामय् हे पा फइ, छाय्‌धाःसा न्‍हापा न्‍हापाया दुःखत ल्‍वमने धुंकी, अले उपिं जिगु न्‍ह्यःनं सुपिकातःगु जुइ।

यर्मिया 42:5

अले इमिसं यर्मियायात धाल, “परमप्रभु छिकपिनि परमेश्‍वरं छिपाखें जिमिथाय् छुं खबर छ्वयाहयादिल धाःसा अले जिमिसं वय्‌कःया वचनकथं मयात धाःसा परमप्रभु हे जिमिगु विरोधय् खःम्‍ह व विश्‍वास याये बहःम्‍ह साक्षी जुयादीमा।

यूहन्‍ना 1:3

फुक्‍कं सृष्‍टि यानादीगु वय्‌कलं हे खः। फुक्‍क सृष्‍टि परमेश्‍वरं वय्‌कःयापाखें हे यानादीगु खः। सृष्‍टि जूगुलिइ छुं नं वय्‌कः मदय्‌कं जूगु मदु।

यूहन्‍ना 8:14

वय्‌कलं इमित लिसः बियादिल – “जिं जिगु हे खँय् साक्षी बियाच्‍वना सां जिगु साक्षी सत्‍य खः, छाय्‌धाःसा जि गनं वयाम्‍ह खः, अले गन वने त्‍यनाम्‍ह खः धकाः जिं स्‍यू, अय्‌नं छिकपिन्‍सं धाःसा जि गनं वइ, अले गन वनी धकाः सी मखु।

२ कोरिन्‍थी 1:20

परमेश्‍वरं बियादीगु बचं फुक्‍क येशूपाखें पूवनी। अय्‌जूगुलिं हे परमेश्‍वरयात सुभाय् बीबलय् येशूयागु नामं झीसं “आमेन” धकाः धायेगु खः।

व्‍यवस्‍था 21:17

थः यःम्‍ह कलाःपाखें दुम्‍ह मखुसां वं न्‍हापां बूम्‍ह काय्‌यात थःगु सम्‍पत्तिं निदुगं अंग्‍स बियाः न्‍हापां बूम्‍ह काय् खः धकाः नालेमाः। न्‍हापां बूम्‍ह काय् थः बौया बलया न्‍हापांगु चिं खः। अले न्‍हापां बूम्‍ह काय्‌यागु हक वयागु हे खः।

कलस्‍सी 1:15

येशू ख्रीष्‍ट हे खने मदुम्‍ह परमेश्‍वरयागु खनेदुगु रूप खः। वय्‌कः थ्‍व संसार हे सृष्‍टि मयाःनिबलय् निसें दुम्‍ह खः।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

कलस्‍सी 4:16

थ्‍व पौ छिमिसं ब्‍वने धुंकाः लाउडिकियाय् च्‍वंपिं विश्‍वासीतय्‌त नं ब्‍वंकि। अले लाउडिकियाय् च्‍वंगु मण्‍डलीयात च्‍वयाहयागु पौ नं छिमिसं ब्‍वँ।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:13

अल्‍फा व ओमेगा जि हे खः। न्‍हापायाम्‍ह व लिपायाम्‍ह, अले शुरु व अन्‍त जि हे खः।”

प्रकाश 22:6

अले स्‍वर्गदूतं जितः धाल – “थ्‍व वचन फुक्‍कं सत्‍य व विश्‍वास याये बहःगु खः। अगमवक्तातय्‌त आत्‍मा बियादीम्‍ह परमप्रभु परमेश्‍वरं थः दासतय्‌त याकनं जू वइगु खँ क्‍यनेत थः दूत छ्वयाहयादीगु दु।”

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।