प्रकाश 3:12 - नेवाः बाइबल

¹² त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:12 ပူးပေါင်းရင်းမြစ်များ

१ राजा 7:21

वं थांत देगःया दलानया न्‍ह्यःने थन। वं दच्‍छिन पाखेया थांया नां याकीन तल अले उत्तर पाखेया थांया नां बोअज तल।

भजनसंग्रहया सफू 46:4

छगू खुसि दु गुकियागु लःधालं परमेश्‍वरया शहर, दक्‍वसिबय् तःधंम्‍ह च्‍वनादीगु थाय्‌यात लय्‌ताय्‌की।

भजनसंग्रहया सफू 48:8

झीसं दक्‍व शक्ति दुम्‍ह परमप्रभुयागु शहरय्, झी परमेश्‍वरया शहरय् गथे न्‍यनागु खः अथे हे जूगु नं खना। वय्‌कलं थ्‍व शहरयात न्‍ह्याबलें रक्षा याना तइ। सेला

भजनसंग्रहया सफू 87:3

हे परमेश्‍वरया शहर, परमेश्‍वरं छंगु बारे धयादीगु बांलाःगु खँ न्‍यँ – सेला

यशैया 62:2

जाति जातितय्‌सं छंगु धार्मिकता व फुक्‍क जुजुपिन्‍सं छंगु गौरव खनी, अले छन्‍त धाःसा परमप्रभु थःम्‍हं हे तयादीगु न्‍हूगु नामं सःती।

यशैया 65:15

छिमिसं थःपिनिगु नां जिं ल्‍ययापिनिगु निंतिं सरा कथं त्‍वःतावनि। अले जि, परमप्रभु परमेश्‍वरं छिमित स्‍यानाबी। तर जिं थः दासतय्‌गु निंतिं मेगु नां बी।

यर्मिया 1:18

अय् यर्मिया, न्‍यँ! थ्‍व देशयापिं फुक्‍क यहूदाया जुजु, भारदार, पुजाहारी व मनूत छंगु विरोधय् दनी। तर थौं इमिगु सामना यायेगु शक्ति जिं छन्‍त बी। छचाःखेरं पःखाः दुगु शहर थें, नँयागु थां व कँय्‌या पःखाः थें जिं छन्‍त बल्‍लाकाबी।

इजकिएल 40:49

दलान ११ मिटर ताहाकः, अले व ६.४ मिटर तब्‍या। उकी थाहां वनेत झिगू त्‍वाथः दु अले निखेंपाखेया थांया न्‍ह्यःने लुखाखसित दु।

इजकिएल 48:35

“शहरयागु प्‍यखें पाखेयागु घेरा ९.६ किलोमिटर दइ। “उखुन्‍हुंनिसें शहरया नां ‘परमप्रभु अन दी’ जुइ।”

मर्कूस 12:16

इमिसं छगः धिबा हयाः वय्‌कःयात क्‍यन। वय्‌कलं न्‍यनादिल – “थुकी सुयागु ख्‍वाः व नां कियातःगु दु?” इमिसं “कैसरयागु” धकाः लिसः बिल।

गलाती 2:9

मण्‍डलीया थां धयातःपिं याकूब, पत्रुस व यूहन्‍नां परमेश्‍वरं जितः थ्‍व ज्‍या बियादीगु खः धकाः सीकाः बारनाबासयात व जितः मण्‍डलीया जव ल्‍हाः यात। जिमिगु ज्‍या यहूदीमखुपिन्‍थाय् वनेगु, अले इमिगु ज्‍या यहूदीतय्‌थाय् वनेगु जुल।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

हिब्रू 13:14

झीगु निंतिं थन सदां दयाच्‍वनीगु शहर मदु। झीपिं ला लिपा वइगु शहरयागु लँ स्‍वया च्‍वनापिं खः।

१ यूहन्‍ना 4:4

अय् जि यःपिं मस्‍त, छिपिं परमेश्‍वरया मनूत खः, उकिं अज्‍याःपिं फताहा अगमवक्तातय्‌त छिमिसं बुकाछ्वःगु दु। थ्‍व संसारय् च्‍वंम्‍ह आत्‍मा स्‍वयाः छिमिगु नुगलय् च्‍वनादीम्‍ह आत्‍मा तसकं बल्‍लाः।

प्रकाश 14:1

अले जिं सियोन पर्वतय् चीधिकःम्‍ह भ्‍याःचा दनाच्‍वंगु खना। वय्‌कः व वय्‌कःया बाःयागु नां कपालय् च्‍वयातःपिं छगू लाख व पिइप्‍यद्वः मनूत वय्‌कः नाप दु।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 2:11

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःपिन्‍त नरकय् छ्वइ हे मखु।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 22:4

इमिसं वय्‌कःयागु ख्‍वाः स्‍वये दइ। वय्‌कःयागु नां इमिगु कपालय् च्‍वयातःगु दइ।

प्रकाश 3:5

थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।