प्रकाश 22:8 - नेवाः बाइबल

⁸ थ्‍व खंम्‍ह व ताःम्‍ह जि यूहन्‍ना खः। जिं थथे स्‍वये धुंकाः व न्‍यने धुंकाः थ्‍व फुक्‍क क्‍यना ब्‍यूम्‍ह स्‍वर्गदूतयात हनाबना यायेत भ्‍वपुला।

प्रकाश 22:8 ပူးပေါင်းရင်းမြစ်များ

दानिएल 2:46

अले जुजु नबूकदनेसरं दानिएलयात हनाबना तयाः बँय् भ्‍वसुलाः भागि यात। अले वयात देछा व धुपाँय् छायेगु आज्ञा बिल।

प्रेरित 10:26

अय्‌नं पत्रुसं वयात थनाः धाल – “दनादिसँ, जि नं ला छम्‍ह मनू हे खः नि।”

प्रकाश 1:1

थ्‍व सफुलिइ च्‍वयातःगु खँ परमेश्‍वरं येशू ख्रीष्‍टयात क्‍यनादीगु खँ खः। थः दासतय्‌सं छु जुइतिनि धयागु खँ थुइके फयेमा धकाः परमेश्‍वरं येशू ख्रीष्‍टयात क्‍यनादीगु खः। येशूं थ्‍व खँ क्‍यनेत छम्‍ह स्‍वर्गदूतयात यूहन्‍नायाथाय् छ्वयादिल।

प्रकाश 1:4

एशियाय् दुगु न्‍हय्‌गू मण्‍डलीयात यूहन्‍नापाखें ज्‍वजलपा। आः नं दीम्‍ह, न्‍हापा नं दीम्‍ह, अले झायादीत्‍यंम्‍ह, व वय्‌कःयागु सिंहासनयागु लिक्‍क च्‍वंपिं न्‍हय्‌म्‍ह आत्‍मापाखें छिमित दया माया व शान्‍ति दयेमा।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

प्रकाश 19:19

सल गया च्‍वंम्‍ह व वय्‌कःया सिपाइँत नाप ल्‍वायेत व पशु व पृथ्‍वीयापिं जुजुपिं व इमि फुक्‍कं सिपाइँत मुनावःगु जिं खना।