प्रकाश 22:7 - नेवाः बाइबल

⁷ येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 22:7 ပူးပေါင်းရင်းမြစ်များ

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:3

ई न्‍ह्यःने थ्‍यने धुंकल। उकिं थ्‍व अगमवाणीयागु वचन ब्‍वंपिं, न्‍यंपिं, व मानय् याःपिं मनूत धन्‍यपिं खः।

प्रकाश 16:15

“होश‍ यानाच्‍वँ, जि खुँ थें वये। मद्यंसे न्‍ह्यलं चाय्‌का च्‍वंम्‍ह धन्‍यम्‍ह खः। वसः ज्‍वना च्‍वंम्‍ह धात्‍थें धन्‍यम्‍ह खः, छाय्‌धाःसा इपिं नांगां जुइ माली मखु। अले थःगु नांगांगु म्‍ह कर्पिन्‍त क्‍यने माली मखु।”

प्रकाश 2:16

उकिं पश्‍चाताप या, मखुसा जि याकनं वयाः जिगु म्‍हुतुइ च्‍वंगु तरवारं इपिं लिसे ल्‍वाये।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।

प्रकाश 22:18

थ्‍व सफुलिइ च्‍वयातःगु अगमवाणी न्‍यंपिं फुक्‍कसितं जिं ख्‍याच्‍वः बी – सुनानं थुकी छुं खँ तन धाःसा वयात परमेश्‍वरं थ्‍व सफुलिइ च्‍वयातःगु महामारी तनादी।

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।

प्रकाश 22:20

थुकियागु साक्षी बियादीम्‍हय्‌सिनं धयादिल “धात्‍थें हे जि याकनं वयेत्‍यनागु दु।” आमेन, झासँ हे प्रभु येशू।

प्रकाश 22:21

प्रभु येशूयागु दया माया फुक्‍कसित दयेमा। आमेन।

प्रकाश 3:11

जि याकनं वयेत्‍यनागु दु, उकिं छिमिके दुगु त्‍वःफिके मते। अले जक छिमित बीगु श्रीपेच सुनानं लाकाकाये फइ मखु।

प्रकाश 3:3

छिमिसं न्‍यनागु व सयेका कयागु वचन लुमंका ति। वचनयात मानय् या, अले पश्‍चाताप या। छिपिं न्‍ह्यलं चायेका मच्‍वंसा जि खुँ वः थें वये। जि छिमिथाय् गुबलय् वइ धकाः छिमिसं सी मखु।