प्रकाश 22:2 - नेवाः बाइबल

² उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।

प्रकाश 22:2 ပူးပေါင်းရင်းမြစ်များ

उत्‍पत्ति 2:9

परमप्रभु परमेश्‍वरं अन स्‍वयेबलय् न्‍ह्याइपुसे च्‍वंगु व भिंगु भिंगु फल सइगु सिमात बुइकादिल। दथुइलाक जीवन बीगु सिमा व भिं व मभिंया ज्ञान बीगु सिमा नं दय्‌कादिल।

भजनसंग्रहया सफू 147:3

वय्‌कलं नुगः क्‍वतुंपिन्‍त लाय्‌कादी, अले इमिगु घालय् पट्टी चिनादी।

हितोपदेश 3:18

बुद्धियात ग्रहण याइपिनिगु निंतिं थ्‍व जीवनया सिमा खः। अले थ्‍वयात क्‍वातुक्‍क ज्‍वनातइपिं सदां लय्‌तायाच्‍वनी।

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

इजकिएल 47:1

हाकनं वं जितः देगःया मू ध्‍वाखाय् लितहल। जिं देगःया ध्‍वाखाखलुया क्‍वय् लः तिकितिकि वयाः पुर्बपाखे वनाच्‍वंगु खना। देगःया मू ध्‍वाखा पुर्बपाखे स्‍वःगु दु। लः देगःया दच्‍छिनं, वेदीया दच्‍छिनपाखें क्‍वय् तिकितिक वयाच्‍वंगु दु।

होशे 14:4

“जिमि थः मनूत मखुगु लँय् वंगुलिइ जिं इमित क्षमा यानाबी, जिं थःयत्‍थें इमित माया याये, आवंलि गुबलें इपिंनापं तंम्‍वय् मखु।

जकरिया 14:8

उखुन्‍हु हे यरूशलेमं जीवन बीगु लः पिहां वइ। उकियागु बच्‍छि पुर्बय् मृत सागर अले बच्‍छि पच्‍छिमय् भूमध्‍यसागर पाखे न्‍ह्याइ। अले तांन्‍वलाबलय् व चिकुलाबलय् नं मदिक्‍क न्‍ह्याना च्‍वनी।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 21:21

व झिंनिद्वाः ध्‍वाखा झिंनिगः मोतीयागु खः। छद्वाः ध्‍वाखा छगः मोतीं दय्‌कातःगु खः। शहरयागु लँ न्‍हाय्‌कं थें यचुसे च्‍वंगु मुक्‍कं लुँयागु दय्‌कातःगु खः।

प्रकाश 21:24

थुकियागु जलय् जात जातियापिं मनूत जुइ। अले संसारयापिं जुजुपिन्‍सं थःगु सम्‍पत्ति व महिमा अन हे हइ।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।

प्रकाश 22:19

सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।