प्रकाश 22:19 - नेवाः बाइबल

¹⁹ सुनानं थ्‍व अगमवाणीयागु सफुलिइ च्‍वंगु छुं वचन लिकाल धाःसा परमेश्‍वरं वयागु जीवनयागु सिमायागु फलया भाग नं मदय्‌कादी। अले वयात पवित्र शहरं पितिनी।

प्रकाश 22:19 ပူးပေါင်းရင်းမြစ်များ

भजनसंग्रहया सफू 69:28

जीवनया सफुलिं इमिगु नां हुयादिसँ। धर्मीतय्‌गु धलखय् इमिगु नां च्‍वयादी मते।

प्रस्‍थान 32:33

अले परमप्रभुं मोशायात धयादिल, “सुनां जिगु विरोधय् पाप याःगु दु, वयागु नां हे जिं थःगु सफुलिं हुयाछ्वये।

हितोपदेश 30:6

वय्‌कःया वचनय् छुं हे तने मते। मखुसा वय्‌कलं छन्‍त ब्‍वःबी, अले छन्‍त फताहा धकाः क्‍वःछिनादी।

लूका 11:52

“शास्‍त्रीत, छिमित धिक्‍कार दु, छाय्‌धाःसा छिमिसं ज्ञानयागु ताःचा कयाः सुचुका तल। छिपिं थःपिं नं दुहां मवं, दुहां वने धाःपिन्‍त नं दुमछ्वः।”

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

व्‍यवस्‍था 4:2

जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

प्रकाश 1:3

ई न्‍ह्यःने थ्‍यने धुंकल। उकिं थ्‍व अगमवाणीयागु वचन ब्‍वंपिं, न्‍यंपिं, व मानय् याःपिं मनूत धन्‍यपिं खः।

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 14:13

अले हानं जिं स्‍वर्गं थथे धयाहःगु सः ताल – “थ्‍व खँ च्‍व, आवंनिसें प्रभुयात विश्‍वास यानाः सीपिं मनूत धात्‍थें हे धन्‍यपिं खः।” आत्‍मां नं धयादिल – “धात्‍थें खः, आः इमिसं थःगु ज्‍यां झासु लने खनी, छाय्‌धाःसा इमिगु ज्‍यायागु फल इमिगु ल्‍यूल्‍यू वयाच्‍वनी।”

प्रकाश 2:11

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःपिन्‍त नरकय् छ्वइ हे मखु।

प्रकाश 2:26

“लिपा तकं जिं धाःथे यानाच्‍वंम्‍हय्‌सित व त्‍याइम्‍हय्‌सित जात जातियापिन्‍त शासन याकेबी।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।

प्रकाश 22:2

उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।