प्रकाश 22:18 - नेवाः बाइबल

¹⁸ थ्‍व सफुलिइ च्‍वयातःगु अगमवाणी न्‍यंपिं फुक्‍कसितं जिं ख्‍याच्‍वः बी – सुनानं थुकी छुं खँ तन धाःसा वयात परमेश्‍वरं थ्‍व सफुलिइ च्‍वयातःगु महामारी तनादी।

प्रकाश 22:18 ပူးပေါင်းရင်းမြစ်များ

हितोपदेश 30:6

वय्‌कःया वचनय् छुं हे तने मते। मखुसा वय्‌कलं छन्‍त ब्‍वःबी, अले छन्‍त फताहा धकाः क्‍वःछिनादी।

लेवी 26:18

“‘थुलि जुइ धुंकाः नं छिमिसं जिगु खँ मन्‍यन धाःसा जिं छिमित पापया न्‍हय्‌दुगं अप्‍वः सजाँय बी।

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

लेवी 26:37

सुनां ल्‍यू मवःसां छिपिं तरवार खनाः ग्‍यानाः बिस्‍युं वंपिं थें हे थःथवय् धक्‍का नयाः ग्‍वतुली। अथे जुयाः छिमि शत्रुतय्‌गु न्‍ह्यःने छिपिं दने फइ मखु।

मत्ती 15:13

वय्‌कलं धयादिल – “स्‍वर्गय् च्‍वनादीम्‍ह जिमि बाःनं पिना मदीगु फुक्‍क मायात लिनाछ्वयादी।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

व्‍यवस्‍था 4:2

जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

प्रकाश 1:3

ई न्‍ह्यःने थ्‍यने धुंकल। उकिं थ्‍व अगमवाणीयागु वचन ब्‍वंपिं, न्‍यंपिं, व मानय् याःपिं मनूत धन्‍यपिं खः।

प्रकाश 15:1

जिं हानं स्‍वर्गय् तसकं हे तःधंगु अजू चायापुगु छगू चिं खना। न्‍हय्‌म्‍ह स्‍वर्गदूततय्‌सं दकलय् लिपायागु न्‍हय्‌गू महामारी कयातल। परमेश्‍वरयागु तं थुमिगुपाखें हे क्‍वचाइ।

प्रकाश 15:6

यचुसे व थीगु तुयुगु वसः फिनातःपिं अले छातिइ लुँयागु बालां हिनातःपिं न्‍हय्‌म्‍ह स्‍वर्गदूतत देगलं न्‍हय्‌गू महामारी ज्‍वनाः पिहां वःगु जिं खना।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 22:10

वं जितः हानं थथे धाल – “थ्‍व सफुलिइ च्‍वयातःगु अगमवाणी सुचुकातये मते, छाय्‌धाःसा ई न्‍ह्यःने थ्‍यने धुंकल।

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 22:9

वं जितः धाल – “छं थथे याये मते। छ व छिमि अगमवक्ता दाजुकिजापिं व थ्‍व सफुलिइ च्‍वंगु वचन मानय् यानाच्‍वंपिं थें जि नं छम्‍ह परमेश्‍वरया दास खः। परमेश्‍वरयात आराधना या।”

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।