प्रकाश 22:15 - नेवाः बाइबल

¹⁵ शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।

प्रकाश 22:15 ပူးပေါင်းရင်းမြစ်များ

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

हितोपदेश 12:22

मखुगु खँ ल्‍हाइपिन्‍त परमप्रभुं यय्‌कादी मखु, तर सत्‍य खँ ल्‍हाइपिंलिसे वय्‌कः लय्‌तायादी।

हितोपदेश 7:27

थुमिगु छेँ कालयाथाय् वनीगु लँपु खः, नरकय् थ्‍यंकीगु लँपु खः थुपिं।

यशैया 47:12

“छं थः मचाबलय् निसें यक्‍व दुःखसिया यानावयाच्‍वंगु जादुत व यक्‍व तन्‍त्रमन्‍त्र छ्यला च्‍वँ! सके छ ताःलाइ ला, वा छं भय पिकयाः शत्रुतय्‌त ख्‍याये फइ ला।

यशैया 47:9

थुपिं निगू खँ छन्‍थाय् छक्‍वलं छन्‍हुं हे वइ, काय्‌म्‍ह्याय्‌पिं त्‍वःताच्‍वने मालीगु अले भाःत मदय्‌काच्‍वने मालीगु। छंगु जीवनय् यक्‍व जादु यायेगु शक्ति दःसां अले तसकं जाःगु तन्‍त्रमन्‍त्र यायेगु शक्ति दःसां उपिं फुक्‍क छंगु जीवनय् व हे वइ।

यशैया 57:3

“हे झाँक्रीतय्‌गु लँय् वनीपिं व व्‍यभिचारीत व वेश्‍यात थें ज्‍या याइपिं, थन वा!

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

मत्ती 7:6

“च्‍वखगु चिज खिचायात बी मते, अथे याःसा वं छिमित हे न्‍याः वइ। फाया न्‍ह्यःने मोती वान्‍छ्वया बी मते, अथे याःसा वं थुकियात न्‍हुत्तु न्‍हुयाबी।

मत्ती 8:12

राज्‍यय् थ्‍याःपिं मनूतय्‌त धाःसा पिने तसकं खिउँसे च्‍वंथाय् वान्‍छ्वया हइ। अले इपिं अन ख्‍व जक ख्‍वयाः वा न्‍ह्ययाच्‍वनी।”

यूहन्‍ना 8:46

छिकपिं मध्‍ये सुनानं जिं पापयात काः जितः दोष बियादी फु ला? जिं सत्‍य खँ धयागु खःसा छिकपिन्‍सं जितः छाय् विश्‍वास याना मदीयागु?

प्रेरित 8:11

थथे सिमोनं ताःइलंनिसें सामरीतय्‌त जादु याना क्‍यनाच्‍वंगुलिं इमिसं वयागु खँ न्‍यं।

व्‍यवस्‍था 23:18

छुं भाकल पूवंकेत छिमिसं मिजं वेश्‍या वा मिसा वेश्‍यां कमय् यानाहःगु धिबा परमेश्‍वरया न्‍ह्यःने महयेमाः, छाय्‌धाःसा परमप्रभु छिमि परमेश्‍वरयात थुपिं निथिं मनूतय्‌सं कमय् याःगु धिबा मयः।

फिलिप्‍पी 3:2

खिचात थें ल्‍वाना जुइपिं, मभिंगु ज्‍या यानाजुइपिं व मुक्ति कायेत म्‍हय् चिं तयेमाः धाइपिं लिसे होश याना जु।

कलस्‍सी 3:6

थज्‍याःगु खं यानाः हे परमेश्‍वरं धाःथें मयाइपिन्‍सं वय्‌कःयागु तं फयेमाली।

१ तिमोथी 1:10

व्‍यभिचार यानाजुइपिं, मिजं मिजं हे व्‍यभिचार यानाजुइपिं, दास मीपिं, मखुगु खँ ल्‍हानाजुइपिं, मखुगु साक्षी बीपिं व भिंगु खँयागु अःखतं ज्‍या यानाजुइपिनिगु निंतिं दय्‌कातःगु खः।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”