प्रकाश 22:14 - नेवाः बाइबल

¹⁴ थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।

प्रकाश 22:14 ပူးပေါင်းရင်းမြစ်များ

उत्‍पत्ति 2:9

परमप्रभु परमेश्‍वरं अन स्‍वयेबलय् न्‍ह्याइपुसे च्‍वंगु व भिंगु भिंगु फल सइगु सिमात बुइकादिल। दथुइलाक जीवन बीगु सिमा व भिं व मभिंया ज्ञान बीगु सिमा नं दय्‌कादिल।

उत्‍पत्ति 3:22

अनंलि परमप्रभु परमेश्‍वरं धयादिल, “आः मनू नं झीपिं थें भिं व मभिं स्‍यूम्‍ह जुइ धुंकल। वं जीवनया सिमायागु फल नयेदइ मखु, अले सदां म्‍वानाच्‍वने नं दइ मखु।”

भजनसंग्रहया सफू 112:1

हल्‍लेलूयाह! धन्‍य खः व मनू गुम्‍हय्‌सिनं परमप्रभुया भय काइ, गुम्‍ह परमप्रभुया आज्ञा पालन यायेत लय्‌ताइ।

भजनसंग्रहया सफू 118:20

परमप्रभुया ध्‍वाखा थ्‍व हे खः, धर्मीत थुकी दुने दुहां वनी,

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

दानिएल 12:12

१,३३५ दिं तक विश्‍वास तयाः पियाच्‍वंपिं मनूत धन्‍यपिं खः।

यूहन्‍ना 10:7

अय्‌जूगुलिं वय्‌कलं इमित हानं धयादिल – “जिं छिकपिन्‍त खःगु खँ धाये – फैगःयागु लुखा जि हे खः।

यूहन्‍ना 10:9

जि लुखा खः। जिगु लुखां दुहां वःम्‍ह बचय् जुइ, अले व दुनेपिने जुइ दइ, वयात ज्‍वयेत ख्‍यः नं दइ।

यूहन्‍ना 14:15

“छिमिसं जितः माया याःसा जिगु आज्ञा नं मानय् यानाच्‍वनी।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 4:12

जिमित तुं दय्‌काब्‍यूम्‍ह जिमि तापाःबाज्‍या याकूब खः। छु छि वय्‌कः स्‍वयाः नं तःधं ला? जिमि तापाःबाज्‍यां, वया काय्‌पिन्‍सं, अले वया सा, द्वहंतय्‌संनापं थ्‍व हे तुंयागु लः त्‍वना वन।”

१ कोरिन्‍थी 7:19

परमेश्‍वरया न्‍ह्यःने चिं तःसां मतःसां छुं मपाः। तःधंगु खँ ला परमेश्‍वरयागु आज्ञा मानय् यायेगु खः।

१ कोरिन्‍थी 8:9

बरु बांलाक होश या, छिमिगु न्‍ह्यागुं नये ज्‍यू धयागु खं यानाः विश्‍वासय् बमलाःनिपिन्‍त पापय् लाके बी मते।

१ कोरिन्‍थी 9:5

मेपिं प्रेरिततय्‌सं याना जू थें जिं जक याना जुइ मदु ला? प्रभुया किजापिन्‍सं व केफासं याना जू थें जि जक थः कलाः ज्‍वनाः चाःहुला जुइ मदु ला?

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।

१ यूहन्‍ना 5:3

परमेश्‍वरयागु आज्ञा मानय् यायेगु हे वय्‌कःयात माया यायेगु खः। वय्‌कःयागु आज्ञा मानय् यायेत थाकु मजू।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।

प्रकाश 21:12

थ्‍व शहरय् तब्‍यागु व तःजाःगु पःखाः दनातःगु दु। थ्‍व पखालय् झिंनिद्वाः ध्‍वाखा तयातःगु दु। ध्‍वाखाय् झिंनिम्‍ह स्‍वर्गदूतत च्‍वनाच्‍वन। इस्राएलीतय् झिंनिगू कुलयागु नां उपिं ध्‍वाखाय् च्‍वयातःगु दु।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 22:2

उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।

प्रकाश 22:7

येशूं धयादिल – “जि याकनं हे वयेत्‍यनागु दु। थ्‍व सफुलिइ च्‍वयातःगु अगमवाणी फुक्‍कं न्‍यनाः थुइकाः मानय् यानाच्‍वनीम्‍ह धात्‍थें धन्‍यम्‍ह खः।”

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।