प्रकाश 21:27 - नेवाः बाइबल

²⁷ पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:27 ပူးပေါင်းရင်းမြစ်များ

भजनसंग्रहया सफू 101:8

जिं न्‍हियान्‍हिथं सुथ पतिकं देशय् च्‍वंपिं दुष्‍टतय्‌त न्‍हंकेगु याये। परमप्रभुया शहरं मभिं ज्‍या याइपिं सकसितं पितिनाछ्वये।

प्रस्‍थान 32:32

अय्‌जूसां थुमिगु पाप क्षमा यानादिसँ, मखुसा छिं च्‍वयादीगु सफुलिं जिगु नां हुयादिसँ।”

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

इजकिएल 44:9

परमप्रभु परमेश्‍वरं थथे धयादी – मनय् व म्‍हय् निगुलिं चिं मतःपिं विदेशीत व इस्राएलीतय्‌गु दथुइ तन व मन निगुलिं खतना मजूपिं विदेशी सुं नं जिगु पवित्र थासय् दुहां वये मज्‍यू।

योएल 3:17

“अले पवित्र पर्वत सियोनय् च्‍वनीम्‍ह परमप्रभु छिमि परमेश्‍वर जि हे खः धकाः छिमिसं सीका काइ। अले यरूशलेम पवित्र जुइ, विदेशीतय्‌सं हानं गुबलें थन हमला याःवइ मखु।

लेवी 13:46

गुबलय् वयात ल्‍वचं काइ उबलय् तक व अशुद्ध हे जुइ। व याकःचा हे च्‍वनेमाः। व छाउनी पिने हे च्‍वनेमाः।”

जकरिया 14:21

यरूशलेम व यहूदाय् दुगु थलबल दक्‍व शक्ति दुम्‍ह परमप्रभुया निंतिं पवित्र जुइ। थ्‍व थलबल बां बीपिं मनूतय्‌सं बांया ला दय्‌केत छ्यली। उखुन्‍हुंनिसें दक्‍व शक्ति दुम्‍ह परमप्रभुया देगलय् सुं नं न्‍यायेमिइ याइपिं दइ मखु।

गन्‍ती 12:15

अथे जुयाः मिरियमयात न्‍हय्‌न्‍हु तक छाउनीं पिने कुनातल। वयात लित महतले मनूत अनं न्‍ह्यमज्‍याः।

गन्‍ती 5:3

मिसाम्‍ह जूसां मिजंम्‍ह जूसां इमित छाउनीं पितिनाछ्व। इमिसं यानाः जि च्‍वनेगु छिमिगु छाउनी अशुद्ध मजुइमा।”

मत्ती 13:41

अबलय् मनूया काय्‌नं थः दूततय्‌त छ्वयाहइ। अले इमिसं वय्‌कःयागु राज्‍यय् च्‍वंपिं पाप याःपिं व याकूपिं फुक्‍कसितं मुंकी।

मर्कूस 7:2

थुमिसं चेलातय्‌सं ल्‍हाः मस्‍युसे हे नःगु खन।

लूका 10:20

अथे भूत आत्‍मातय्‌सं नं छिमिगु खँ न्‍यं धकाः लय्‌तायेगु बांलाःगु खँ मखु, बरु छिमिगु नां स्‍वर्गय् च्‍वयातःगु दु धकाः लय्‌ता।”

एफिसी 5:5

छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

१ तिमोथी 1:10

व्‍यभिचार यानाजुइपिं, मिजं मिजं हे व्‍यभिचार यानाजुइपिं, दास मीपिं, मखुगु खँ ल्‍हानाजुइपिं, मखुगु साक्षी बीपिं व भिंगु खँयागु अःखतं ज्‍या यानाजुइपिनिगु निंतिं दय्‌कातःगु खः।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

२ पत्रुस 3:13

थथे जुइ धुंकाः हानं मेगु हे न्‍हूगु आकाश व पृथ्‍वी दय्‌कादी धकाः परमेश्‍वरं धयादीगु दु। थ्‍व न्‍हूगु आकाश व पृथ्‍वीइ धर्मीपिं मनूत जक च्‍वने खनी। थ्‍व हे न्‍हूगु आकाश व पृथ्‍वीयात झीसं पियाच्‍वनागु खः।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 20:12

अले जिं सिंहासनयागु न्‍ह्यःने तःधंपिं व चिधंपिं सीपिं दनाच्‍वंगु व सफूत पुइकातःगु खना। मेगु छगू सफू नं पुइकल, थ्‍व सफू जीवनयागु सफू खः। अले इमिसं याःगु ज्‍या स्‍वयाः जीवनयागु सफुलिइ च्‍वया तः थें सीपिं फुक्‍कसित न्‍याय यात।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 3:5

थथे त्‍याःम्‍हय्‌सित जिं तुयुगु वसतं पुंकाबी। अले जिं वयागु नां जीवनयागु सफुलिं गुबलें हुयाछ्वये मखु। जिमि बाःयागु न्‍ह्यःने व वय्‌कःया स्‍वर्गदूततय्‌गु न्‍ह्यःने जिं थ्‍व जिम्‍ह मनू खः धकाः धाये।