प्रकाश 21:26 - नेवाः बाइबल

²⁶ जात जातियापिं मनूतय्‌सं थःगु महिमा व हनाबना दक्‍वं अन हे हइ।

प्रकाश 21:26 ပူးပေါင်းရင်းမြစ်များ

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 60:11

छंगु शहरया मू ध्‍वाखात न्‍ह्याबलें चालाच्‍वनी। उपिं ध्‍वाखात चान्‍हि गुबलय् नं तीमखु। गुकिं यानाः मनूतय्‌सं छन्‍थाय् जाति-जातितय्‌गु धन-सम्‍पत्ति हयेमाः। इमि जुजुतय् न्‍ह्यः न्‍ह्यः त्‍याःगुया जुलूस ज्‍वनाः दुहां वयेमा।

यशैया 60:16

माम्‍हं थः मस्‍तय्‌त बिचाःसंचाः याःथें जाति जाति व जुजुपिन्‍सं छन्‍त बिचाः संचा याइ, उबलय् छं परमप्रभु थःत मुक्ति बीम्‍ह, उद्धार याइम्‍ह व याकूबया दक्‍व शक्ति दुम्‍ह खः धकाः थुइकी।

प्रकाश 21:24

थुकियागु जलय् जात जातियापिं मनूत जुइ। अले संसारयापिं जुजुपिन्‍सं थःगु सम्‍पत्ति व महिमा अन हे हइ।