प्रकाश 21:14 - नेवाः बाइबल

¹⁴ शहरया पःखाःयागु जग झिंनिथाय् दु। उकी द्यःने चीधिकःम्‍ह भ्‍याःचाया झिंनिम्‍ह प्रेरिततय्‌गु नां च्‍वयातःगु दु।

प्रकाश 21:14 ပူးပေါင်းရင်းမြစ်များ

यशैया 54:11

“हे दुःखय् लानाच्‍वंम्‍ह, ग्‍वःफसं पुइकाः छ्वावाःम्‍ह अले सान्‍त्‍वना काय् मखंगु शहर, स्‍व, जिं फिरोजाया थीनं छन्‍त दय्‌के, नीरं छंगु जग स्‍वने।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

प्रेरित 1:26

अले इमिसं चिट्ठा तल, चिट्ठा मतियासयात लात। थथे मतियासनापं यानाः आः झिंनिम्‍ह प्रेरित खात।

गलाती 2:9

मण्‍डलीया थां धयातःपिं याकूब, पत्रुस व यूहन्‍नां परमेश्‍वरं जितः थ्‍व ज्‍या बियादीगु खः धकाः सीकाः बारनाबासयात व जितः मण्‍डलीया जव ल्‍हाः यात। जिमिगु ज्‍या यहूदीमखुपिन्‍थाय् वनेगु, अले इमिगु ज्‍या यहूदीतय्‌थाय् वनेगु जुल।

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

एफिसी 3:5

थ्‍व गुप्‍ति खँ न्‍हापा न्‍हापायापिं मनूतय्‌सं मस्‍यू। थौंकन्‍हय् परमेश्‍वरं वय्‌कःया पवित्र प्रेरिततय्‌त व अगमवक्तातय्‌त थ्‍व गुप्‍ति खँ पवित्र आत्‍मापाखें सीके बियादीगु दु।

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

हिब्रू 11:10

अब्राहाम ला सदां दयाच्‍वनीगु जगय् परमेश्‍वरं हे दय्‌कादीगु शहरय् च्‍वनेत पियाच्‍वंम्‍ह खः।

यहूदा 1:17

यःपिं दाजुकिजापिं, झी प्रभु येशू ख्रीष्‍टया प्रेरिततय्‌सं कनावंगु खँ बांलाक लुमंकी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 21:13

पुर्ब पती स्‍वद्वाः ध्‍वाखा, उत्तर पती स्‍वद्वाः ध्‍वाखा, दच्‍छिन पती स्‍वद्वाः ध्‍वाखा व पच्‍छिम पती स्‍वद्वाः ध्‍वाखा।