प्रकाश 21:10 - नेवाः बाइबल

¹⁰ जि आत्‍मां जाल, अले स्‍वर्गदूतं जितः तःधंगु तःजाःगु पर्वतय् यंकाः परमेश्‍वरदीगु स्‍वर्गं क्‍वहां वयाच्‍वंगु पवित्रगु शहर यरूशलेम क्‍यन।

प्रकाश 21:10 ပူးပေါင်းရင်းမြစ်များ

१ राजा 18:12

जि थनं वनेधुंकाः परमप्रभुया आत्‍मां छितः गन यंकी जिं मस्‍यू। जिं वनाः आहाबयात धायेधुंकाः वं छितः लुइके मफुत धाःसा जितः स्‍याइ। तर जि छिकपिनि दासं ल्‍याय्‌म्‍हबलय्‌निसें हे परमप्रभुया आराधना यानावयाच्‍वनागु दु।

२ राजा 2:16

इमिसं धाल, “स्‍वयादिसँ, जिपिं छिकपिनि दासतय्‌के बबल्‍लाःपिं नेय्‌म्‍ह मनूत दु। छिकपिनि मालिकयात माःवनेत इमित वने बियादिसँ। परमप्रभुया आत्‍मां यंकाः वयात गनं पहाड अथवा ब्‍यासिइ त्‍वःतातयादीगु जुइफु।” एलीशां लिसः बिल, “म्‍वाः! इमित छ्वये मते।”

इजकिएल 11:1

आत्‍मां जितः च्‍वय् थकयाः परमप्रभुया देगःया पुर्बपाखेयागु मू लुखाय् हयादिल। अन मू लुखाय् नीन्‍याम्‍ह मनू दु। जिं अन मनूतय् नायःत अज्‍जूरया काय् याजन्‍याह व बनायाहया काय् पलत्‍याहयात खना।

इजकिएल 11:24

अनंलि आत्‍मां जितः च्‍वय् थकयादिल, अले परमेश्‍वरया आत्‍मां जितः दर्शनय् ज्‍वनाः बेबिलोनय् हःपिन्‍थाय् लितहयादिल। अले जिं खनागु व दर्शन जिपाखें थाहां वन।

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

इजकिएल 8:3

वं ल्‍हाः थें च्‍वंगु आकार न्‍ह्यज्‍याकाः जिगु छ्यंया सँ ज्‍वनाः जितः थन। अनंलि दर्शनय् आत्‍मां जितः पृथ्‍वी व आकाशया दथुइ ल्‍ह्वनाः यरूशलेमय् देगःया दुने चुकय् दुहां वनीगु उत्तर पाखेया मू लुखाया लिक्‍क यंकादिल। अन परमेश्‍वरयात तंचाय्‌कीगु छगू तःधंगु मूर्ति दु।

प्रेरित 8:39

इपिं निम्‍हं लखं पिने थाहां वःबलय् प्रभुयागु आत्‍मां फिलिपयात ज्‍वना यंकल। थथे वं फिलिपयात हानं गुबलें मखन। अले व लय्‌लय्‌तायाः थःगु लँय् वन।

गलाती 4:26

सारा धाःसा परमेश्‍वरं चिनातःगु बाचा थें खः। सारा न्‍यानातःम्‍ह भ्‍वातिं मखु, व स्‍वर्गयागु यरूशलेम थें खः। अले झीपिं वया सन्‍तान जुल।

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।

प्रकाश 17:3

जि पवित्र आत्‍मां जाल, अले स्‍वर्गदूतं जितः मरुभूमिइ क्‍वबिया यंकल। अन तसकं ह्याउँसे च्‍वंम्‍ह पशु गया च्‍वंम्‍ह छम्‍ह मिसायात जिं खना। व पशुयाके न्‍हय्‌गः छ्यं व झिपु नेकू दु। म्‍हय् जाय्‌क परमेश्‍वरयात सराः बीगु नां च्‍वयातःगु दु।

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 4:2

अले जि छक्‍कलं आत्‍मां जाल। जिं स्‍वर्गय् छगू सिंहासन तयातःगु व उकी सुं छम्‍ह फ्‍यतुनाच्‍वंगु खना।