प्रकाश 20:9 - नेवाः बाइबल

⁹ अले इमिसं सारा संसारय् वनाः विश्‍वासीतय्‌त व परमेश्‍वरयात तसकं यःगु शहरयात घेरा तल। अले स्‍वर्गं मि कुतुं वयाः इपिं भस्‍म जुल।

प्रकाश 20:9 ပူးပေါင်းရင်းမြစ်များ

उत्‍पत्ति 19:24

अले परमप्रभुं सदोम व गमोरा शहरय् मि व गन्‍धकयागु वा गाय्‌कादिल।

२ राजा 6:15

कन्‍हय् खुन्‍हु सुथ न्‍हापां दनाः एलीशाया च्‍यः छेँनं पिहां वन। वं सल व रथतनापं अरामी सेनां शहरयात घेरय् यानाच्‍वंगु खन। परमेश्‍वरया मनूया च्‍यलं लिहां वयाः एलीशायात धाल, “हे प्रभु, आः झीसं छु यायेगु?”

अय्‍यूब 38:18

छं पृथ्‍वी गपाय्‌धं स्‍यू ला? छं थ्‍व खँ स्‍यूसा जितः धा!

भजनसंग्रहया सफू 106:18

इमिगु पुचलय् ह्वानाह्वाना मि च्‍यात, मिजलां दुष्‍टतय्‌त छ्वय्‌काबिल।

भजनसंग्रहया सफू 87:2

इस्राएलया मेमेगु शहरयात स्‍वयाः वय्‌कलं यरूशलेम शहरयात अप्‍वः माया यानादी।

भजनसंग्रहया सफू 97:3

मि वय्‌कःया न्‍ह्यःने न्‍ह्यःने वनी, अले वय्‌कःया प्‍यखेरं च्‍वंपिं शत्रुतय्‌त नाश याइ।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

इजकिएल 38:16

गथे सुपाँचं जमिनयात त्‍वपुइ, अथे हे छं जिगु जाति इस्राएलया देशय् हमला याइ। उकिं हे गोग, लिपा वइगु इलय् जिं थःत छपाखें इमिगु मिखाया न्‍ह्यःने पवित्र क्‍यनीबलय् जातितय्‌सं जितः सीमा धकाः जिं छन्‍त जिगु देशया विरोधय् हये।

इजकिएल 38:22

जिं महामारी व हिबाःपाखें वयागु न्‍याय याये। जिं वयाके, वयागु सेनायाके व वलिसें दुगु जाति जातिया भीडयाके तसकं वाफय् वय्‌काबी, प्‍वँ गाय्‌काबी, च्‍यानाच्‍वंगु गन्‍धक गाय्‌काबी।

इजकिएल 38:9

छ ला फय् थें हथासं न्‍ह्यांवनी, छ व छंगु फुक्‍क सेना, अले छनापं दुपिं यक्‍व जाति जातित सुपाँय् थें च्‍वय् थाहां वनी। छ देशयात त्‍वपुइगु सुपाँय् थें जुइ।

इजकिएल 39:6

जिं मागोग व समुद्रया सिथय् याउँक च्‍वनाच्‍वंपिन्‍के मि छ्वयाहये, अले इमिसं जि हे परमप्रभु खः धकाः सी।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

हबकूक 1:6

स्‍व, जिं बेबिलोनीतय्‌त थने, व जाति तसकं नुगः छाःगु व लाः लाः थें यानाजुइगु जाति खः, मेपिनिगु च्‍वनेगु थाय् लाकाकायेत इपिं पृथ्‍वी न्‍यंकनं वनी।

गन्‍ती 11:1

मनूतय्‌सं थःपिन्‍त जूगु सास्‍तीया बारे परमप्रभुं तायेक कचकच याना हल। परमप्रभु इमिगु खँ न्‍यनाः तंचायादिल। अले वय्‌कलं तमं इमिथाय् मि छ्वयादिल। मिं इमिगु छाउनीया पिनेया छुं ब्‍वत भस्‍म यात।

गन्‍ती 16:35

अले परमप्रभुया थासं मि पिहां वयाः गुँगू देछाःपिं निसः व नेय्‌म्‍ह मनूतय्‌त भस्‍म यानाबिल।

लूका 17:29

उबलय् हे लोतं सदोम त्‍वःतेवं आकाशं मि व गन्‍धक गायाः इपिं फुक्‍कं सिनावन।

लूका 19:43

थज्‍याःगु ई वइतिनि गुबलय् छिमि शत्रुतय्‌सं छिमिगु शहरयात प्‍यखेरं घेरय् यानाः गनं वने मजीक कुना तइ।

लूका 21:20

“गुबलय् छिमिसं यरूशलेमयात सिपाइँतय्‌सं घेरय् याःगु खनी, उबलय् आः याकनं हे यरूशलेमयागु नाश जुइ धकाः छिमिसं सीकि।

लूका 9:54

थ्‍व खनाः याकूब व यूहन्‍नां वय्‌कःयात धाल – “प्रभु, जिमिसं स्‍वर्गं मि गाय्‌काः थुमित भस्‍म यानाबी ला?”

व्‍यवस्‍था 23:14

परमप्रभु छिमि परमेश्‍वर छिमित बचय् यायेत अले छिमिगु निंतिं छिमि शत्रुतय्‌त बुकेत छिमिगु छाउनीइ चाःहिलादी। अथे जुयाः छिमिगु छाउनी पवित्र जुइमाः। वय्‌कलं छिमिगु दथुइ घच्‍चाइपुगु छुं नं मखनेमा, मखुसा वय्‌कलं छिमित त्‍वःतादी।

२ थेसलोनिकी 1:8

वय्‌कलं च्‍यानाच्‍वंगु मित्‍याः ज्‍वना झायाः परमेश्‍वरयात म्‍हमस्‍यूपिन्‍त व झी प्रभु येशू ख्रीष्‍टयागु भिंगु खँ मन्‍यंपिन्‍त सजाँय बियादी।

हिब्रू 13:13

अय्‌जूगुलिं झीपिं नं वय्‌कःया निंतिं हेला फयाः ध्‍वाखां पिने वय्‌कःयाथाय् वनेनु।

प्रकाश 11:5

सुनानं इमित सास्‍ती यायेत वल धाःसा इमिगु म्‍हुतुं मि पिहां वयाः इमि शत्रुतय्‌त नाश यानाबी। सुं मनू इमित स्‍यंकेत वल धाःसा वयात नं अथे हे यानाः स्‍यानाबी।

प्रकाश 13:13

थ्‍व मनूतय्‌सं खंक खंक हे आकाशं पृथ्‍वीइ मि गाय्‌केगु थें ज्‍याःगु तसकं हे अजू चायापुगु चिं यानाक्‍यन।