प्रकाश 20:8 - नेवाः बाइबल

⁸ वं सारा संसारय् च्‍वंपिं जात जातियापिं मनूतय्‌त अर्थात “गोग” व “मागोगपिन्‍त” झंगः लानाः ल्‍वाकेत छथाय् मुंकी। इपिं समुद्रयागु फि थें यक्‍व दु।

प्रकाश 20:8 ပူးပေါင်းရင်းမြစ်များ

१ राजा 4:20

यहूदा व इस्राएलयापिं मनूत समुद्र सिथय् च्‍वंगु फि थें हे यक्‍व दु। इपिं सकसिके नयेत्‍वनेत माक्‍व दु, अले इपिं लय्‌ताः।

२ इतिहास 18:21

परमप्रभुं न्‍यनादिल, “गथे याना?” आत्‍मां लिसः बिल, “जि वनाः वया फुक्‍क अगमवक्तातय्‌त मखुगु खँ ल्‍हाकेबी।” परमप्रभुं धयादिल, “वयात धोंलायेत छ ताःलाइ। हुँ वनाः अथे हे या।”

यशैया 10:22

हे इस्राएल, छिमि सन्‍तान समुद्रय् च्‍वंगु फि थें यक्‍व दुसां ल्‍यंदुपिं जक लिहां वइ। परमप्रभुं थः मनूतय्‌त नाश यायेगु पक्‍का क्‍वःछिनादीगु पाय्‌छि जू।

यर्मिया 33:22

आकाशया नगु ल्‍याः खाये मफइगु व समुद्र सिथय्‌या फि लने मफइगु थें अथे हे जिं जिम्‍ह दास दाऊदया सन्‍तान व जिगु सेवा याइपिं लेवीतय्‌गु ल्‍याः अप्‍वय्‌काबी।’”

इजकिएल 38:1

परमप्रभुयागु थ्‍व वचन जिथाय् वल,

इजकिएल 38:2

“अय् सीमानिम्‍ह मनू, मागोग देशया गोग, मेशेक व तूबलयाम्‍ह मू शासकपाखे थःगु ख्‍वाः स्‍वय्‌काः वयागु विरोधय् अगमवाणी या।

इजकिएल 39:1

“अय् सीमानिम्‍ह मनू, गोगया विरोधय् थ्‍व अगमवाणी यानाः धा, ‘परमप्रभु परमेश्‍वरं थथे धयादी – हे मेशेक व तूबलयाम्‍ह मू शासक गोग, जि छंगु विरोधय् दु।

इजकिएल 39:6

जिं मागोग व समुद्रया सिथय् याउँक च्‍वनाच्‍वंपिन्‍के मि छ्वयाहये, अले इमिसं जि हे परमप्रभु खः धकाः सी।

इजकिएल 7:2

“अय् सीमानिम्‍ह मनू, इस्राएल देशयात परमप्रभु परमेश्‍वरं थथे धयादी – “‘अन्‍त! देशया प्‍यखें कुन्‍चाय् अन्‍त वःगु दु।

हिब्रू 11:12

थुकथं सीत्‍यःम्‍ह बुराम्‍ह अब्राहामपाखें आकाशय् च्‍वंगु नगु थें यक्‍व, अले फिसलय् च्‍वंगु फि थें ल्‍याः खाये मफय्‌क सन्‍तान दत।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

प्रकाश 16:14

अजू चायापुगु चिं यायेफुपिं भूत आत्‍मात थुपिं हे खः। दक्‍वसिबय् तःधंम्‍ह व शक्ति दुम्‍ह परमेश्‍वरयागु तःधंगु दिनय् ल्‍वायेत थुमिसं सारा संसारय् च्‍वंपिं जुजुपिन्‍त मुंका जुइ।

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 20:3

अले गालय् वान्‍छ्वयाः पुसा तिनाः छाप तयाबिल। द्वःछि दँ मफुतले वं जात जातियापिं मनूतय्‌त थगय् मयायेमा धकाः थथे याःगु खः। द्वःछि दँ दये धुंकाः वयात पलख त्‍वःती।

प्रकाश 7:1

अनं लिपा सिमा, समुद्र व पृथ्‍वीइ फय् वने मजीक प्‍यम्‍ह स्‍वर्गदूतत पृथ्‍वीयागु प्‍यंगू कुन्‍चाय् च्‍वनाः फय् प्‍वाः तिनाच्‍वंगु जिं खना।

न्‍यायकर्ता 7:12

मिद्यानीत, अमालेकीत व पुर्बयापिं जातित क्‍वःबुइँचाया हुल थें ग्‍वाः ग्‍वाः मुनाः च्‍वनाच्‍वंगु जुयाच्‍वन। इमिके समुद्र सिथया फि ति हे अल्‍याख ऊँटत दु।

१ शमूएल 13:5

अले पलिश्‍तीत इस्राएलीतनापं लडाइँ यायेत छथाय् मुन। इमिके स्‍वद्वः रथ व खुद्वः रथ चले याइपिं व समुद्रया सिथय्‌या फि ति हे अल्‍याख न्‍यासि वनीपिं सिपाइँत दु। इपिं थाहां वनाः बेथ-आवनया पुर्बय् मिकमाशय् छाउनी तल।