प्रकाश 20:5 - नेवाः बाइबल

⁵ द्वःछि दँ फुना मवंतले ल्‍यंदनिपिं सीपिं म्‍वाना मवः, सीपिं म्‍वानावःगु थ्‍व न्‍हापांगु खः।

प्रकाश 20:5 ပူးပေါင်းရင်းမြစ်များ

लूका 14:14

अले छितः आशिष दइ, छाय्‌धाःसा अज्‍याःपिन्‍सं छितः पलेसा पुले फइ मखु। बरु धर्मीपिं सिनाः हानं म्‍वाना वइबलय् परमेश्‍वरं छितः थुकियागु पलेसा पुलादी।”

रोमी 11:15

छाय्‌धाःसा इमिसं इन्‍कार यानाः हे ला संसारयापिं मनूत परमेश्‍वर नाप मिलय् जुल धाःसा, झन इमित थः हे नाल धाःसा सीपिन्‍त म्‍वाकेगु ति मग्‍यनी ला?

फिलिप्‍पी 3:11

जि सिनाः हानं म्‍वाना वइतिनि धकाः जिं आशा यानागु दु।

१ थेसलोनिकी 4:16

प्रभु स्‍वर्गं क्‍वहां झाइबलय् तस्‍सःगु सः ताये दइ, तःधंम्‍ह स्‍वर्गदूत हाला हइ, अले परमेश्‍वरयागु तुरही पुया हइ। उबलय् हे ख्रीष्‍टयात विश्‍वास यानाः सीपिं मनूत न्‍हापालाक म्‍वाना वइ।

प्रकाश 11:11

स्‍वन्‍हु व बान्‍हु दये धुंकाः परमेश्‍वरं छ्वयाहयादीगु हंस इमिके दुहां वन। अले इपिं तुतिं चुयाः जुरुक्‍क दन। इमित खंपिं फुक्‍कं तसकं ग्‍यात।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”