प्रकाश 20:4 - नेवाः बाइबल

⁴ अले जिं यक्‍व सिंहासन व उकी न्‍याय यायेगु अधिकार दुपिं फ्‍यतुनाच्‍वंगु खना। येशूयागु साक्षीया निंतिं, परमेश्‍वरयागु वचनया निंतिं छ्यं ध्‍यंकूपिं नं जिं खना। इमिसं व पशुयात व पशुयागु मूर्तियात पुजा मयाः, अले कपालय् नं, ल्‍हातिइ नं पशुयागु चिं तया मतः। इमिसं म्‍वाना वयाः ख्रीष्‍टनापं द्वःछि दँ तक राज्‍य यात।

प्रकाश 20:4 ပူးပေါင်းရင်းမြစ်များ

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

दानिएल 7:18

लिपतय् दक्‍व शक्ति दुम्‍ह परमेश्‍वरया पवित्र मनूतय्‌त राज्‍य दइ। उकी इमिसं सदां सदांया लागि अधिकार याइ।’

दानिएल 7:22

अनंलि व न्‍ह्याबलें म्‍वानाच्‍वनादीम्‍हय्‌सिनं झायाः दक्‍वसिबय् तःधंम्‍ह परमेश्‍वरया पवित्र मनूतय्‌गु पंलिनाः फैसला यात। उबलय् परमेश्‍वरया पवित्र मनूतय्‌सं राज्‍य अधिकार याइगु ई वःगु खः।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

दानिएल 7:9

“जिं स्‍वयाच्‍वनाबलय् हे गद्दीत तल। छगू गद्दीइ न्‍ह्याबलें म्‍वानाच्‍वनादीम्‍ह च्‍वन। वय्‌कःया वसः च्‍वापु थें, सँ धाःसा यचुगु ऊन थें तुयुसे च्‍वं। वय्‌कःयागु दन्‍न थिनाच्‍वंगु गद्दी ह्वानाह्वाना च्‍यानाच्‍वंगु पांग्राया च्‍वय् तयातःगु दु।

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

मत्ती 19:28

वय्‌कलं धयादिल – “जिं छिमित खःगु खँ धाये – मनूया काय् वयाः झःझः धाय्‌क जुजु जुइबलय् जिनापं जुयाच्‍वंपिं छिपिं नं झिंनिगू सिंहासनय् च्‍वने दइ। अले इस्राएलीया झिंनिगू कुलयागु न्‍याय याइ।

मत्ती 24:10

उबलय् तःम्‍हय्‌सिनं हे जितः विश्‍वास यायेगु त्‍वःताछ्वइ। छम्‍हं मेम्‍हय्‌सित धोखा बी, थःथवय् हेला याना जुइ।

मर्कूस 6:16

थ्‍व न्‍यनाः हेरोदं धाल – “थ्‍व जिं छ्यं ध्‍यंकाः स्‍यानाम्‍ह यूहन्‍ना हे म्‍वानावःगु खः।”

मर्कूस 6:27

उघ्रिमय् हे जुजुं छम्‍ह सिपाइँयात यूहन्‍नायागु छ्यं ध्‍यनाः हजि धकाः उजं बिल। झ्‍यालखानाय् हे वनाः वं यूहन्‍नायागु छ्यं धेनाः

मर्कूस 9:11

अले वय्‌कःयाके न्‍यन – “शास्‍त्रीतय्‌सं न्‍हापालाक एलिया हे वयेमाः धकाः छाय् धयाच्‍वंगु?”

लूका 1:17

परमेश्‍वरया च्‍यः जूगुलिं व एलिया थें तुं तसकं साहसी जुइ। अले वं प्रभु झायादी न्‍ह्यः मिलय् मजूपिं बौ व काय् म्‍ह्याय्‌पिन्‍त मिलय् याइ। अले हानं वं अधर्मीतय्‌त नं धर्मी यानाः प्रभु झाया दीबलय्‌यात तयार याना तइ।”

लूका 14:14

अले छितः आशिष दइ, छाय्‌धाःसा अज्‍याःपिन्‍सं छितः पलेसा पुले फइ मखु। बरु धर्मीपिं सिनाः हानं म्‍वाना वइबलय् परमेश्‍वरं छितः थुकियागु पलेसा पुलादी।”

लूका 22:30

अले छिमिसं जिगु राज्‍यय् जि नाप च्‍वनाः नयेत्‍वने याये खनी। अले हानं सिंहासनय् च्‍वनाः छिमिसं इस्राएलया झिंनिगू कुलयापिं मनूतय्‌त न्‍याय याइ।”

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

रोमी 11:15

छाय्‌धाःसा इमिसं इन्‍कार यानाः हे ला संसारयापिं मनूत परमेश्‍वर नाप मिलय् जुल धाःसा, झन इमित थः हे नाल धाःसा सीपिन्‍त म्‍वाकेगु ति मग्‍यनी ला?

रोमी 8:17

थथे झीपिं परमेश्‍वरया सन्‍तान खःसा झीपिं हक दुपिं नं जुल। परमेश्‍वरया हक दुपिं व ख्रीष्‍टनापं पूरा हक दुपिं झीपिं नं खत। वय्‌कः नाप दुःख सिल धाःसा झीपिं नं वय्‌कःनापं तुं तःधनी।

२ तिमोथी 2:12

झीसं सहयाना च्‍वंसा वय्‌कः नाप राज्‍य याये खनी। झीसं वय्‌कःयात त्‍वःतूसा वय्‌कलं नं झीत त्‍वःतादी।

प्रकाश 1:2

व हे यूहन्‍नां खंगु परमेश्‍वरं धयादीगु वचन, अले येशू ख्रीष्‍टं धयादीगु खँ फुक्‍क सत्‍य खः धकाः साक्षी बियाच्‍वनागु दु।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

प्रकाश 11:11

स्‍वन्‍हु व बान्‍हु दये धुंकाः परमेश्‍वरं छ्वयाहयादीगु हंस इमिके दुहां वन। अले इपिं तुतिं चुयाः जुरुक्‍क दन। इमित खंपिं फुक्‍कं तसकं ग्‍यात।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 11:3

अले जिं जिमि निम्‍ह साक्षी बीपिन्‍त भांग्रायागु वसतं पुंकाः द्वःछि व निसः व खुइन्‍हु तक अगमवाणी कनेगु शक्ति बी।”

प्रकाश 11:7

इमिसं बीमाःगु साक्षी बीधुंकाः तसकं तःजाःगु गालं थाहां वःम्‍ह पशुं इपिंनापं ल्‍वानाः इमित स्‍यानाबी।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 15:2

अले जिं मि ल्‍वाकज्‍याःगु न्‍हाय्‌कंयागु समुद्र थें खना। पशु, वयागु मूर्ति व वयागु नांयागु ल्‍याःयात त्‍याकाः परमेश्‍वरं बियादीगु वीणा कयातःपिन्‍त जिं न्‍हाय्‌कंयागु समुद्रय् दनाच्‍वंगु खना।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।

प्रकाश 2:26

“लिपा तकं जिं धाःथे यानाच्‍वंम्‍हय्‌सित व त्‍याइम्‍हय्‌सित जात जातियापिन्‍त शासन याकेबी।

प्रकाश 20:6

सीपिं म्‍वाना वःगुली ब्‍वति काये दुम्‍ह मनू धात्‍थें हे धन्‍यम्‍ह व पवित्रम्‍ह खः। थुपिं हानं सी माली मखु, बरु थुपिं परमेश्‍वर व ख्रीष्‍टया पुजाहारीत जुयाच्‍वने दइ। अले वय्‌कः नाप इमिसं नं द्वःछि दँ तक राज्‍य याये खनी।

प्रकाश 22:5

अन चा धयागु हे दइ मखु। इमित मतयागु जः व सूर्ययागु जः माःगु मखुत। परमप्रभु परमेश्‍वरं हे इमित जः बियादी। इमिसं न्‍ह्याबलें राज्‍य यानाच्‍वनी।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।

प्रकाश 4:4

अले हानं छचाखेरं निइप्‍यंगू सिंहासन तयातःगु दु। लुँयागु श्रीपेच पुया तःपिं व तुयुगु वसतं पुनातःपिं निइप्‍यम्‍ह थकालिपिं व सिंहासनय् फ्‍यतुनाच्‍वंगु दु।

प्रकाश 6:9

न्‍यागूगु छाप प्‍वःबलय् जिं परमेश्‍वरयात मत्‍वःतुसे वय्‌कःयागु वचन न्‍यंकूगुलिं स्‍याःपिनिगु आत्‍मातय्‌त होम यायेगु थाय्‌यागु तःले खना।

प्रकाश 7:3

“झी परमेश्‍वरया दासतय्‌गु कपालय् छाप मततले सिमा, समुद्र, व पृथ्‍वीयात स्‍यंके मते।”