प्रकाश 20:2 - नेवाः बाइबल

² अजिङ्‌गर धाःसां ज्‍यूम्‍ह, पुलांम्‍ह सर्प धाःसां ज्‍यूम्‍ह, दुष्‍ट व शैतान धाःसां ज्‍यूम्‍हय्‌सित व स्‍वर्गदूतं ज्‍वनाः द्वःछि दँ तक चिनातल।

प्रकाश 20:2 ပူးပေါင်းရင်းမြစ်များ

उत्‍पत्ति 3:1

परमप्रभु परमेश्‍वरं दय्‌कादीपिं पशुत मध्‍ये सर्प दक्‍वसिबय् धूर्तम्‍ह खः। वं मिसायात धाल, “परमेश्‍वरं धात्‍थें हे क्‍यबय् च्‍वंगु गुगुं नं सिमाय् च्‍वंगु फल नये मते धाःगु खः ला?”

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

अय्‍यूब 1:7

परमप्रभुं वयात न्‍यनादिल, “छ गनं वयागु?” वं धाल, “पृथ्‍वीइ थुखे उखे चाःहिलाः वयागु।”

यशैया 24:22

परमेश्‍वरं जुजुतय्‌त कैदीतय्‌त थें गालय् तयादी। इमिगु सजाँयया ई मवतले वय्‌कलं इमित झ्‍यालखानाय् यक्‍व दिं तक कुना तयादी।

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

इजकिएल 47:5

वं मेगु ५३० मिटर नापय् यात, तर आः लः थाहां वयाः जिं छी मफइगु खुसि जुल। व लाल कायेजीक तज्‍जाःगु दु, व सुं छी मफइगु खुसि जूगु दु।

मत्ती 19:29

जिगु निंतिं छेँबुँ, दाजुकिजा, तताकेहेँ, मांबौ, काय्‌म्‍ह्याय् त्‍वःतावःपिन्‍त व स्‍वयाः अप्‍वः दइ। अले अनन्‍त जीवन नं दइ।

मत्ती 8:29

वय्‌कःयात खनेवं हे इपिं थथे धकाः चिल्‍लाय् दनाः हाल – “हे परमेश्‍वरया काय्, छि जिमिथाय् छाय् झायागु? मत्‍यवं हे जिमित सजाँय बीत झायागु ला?”

मर्कूस 4:15

गुलिं मनूत लँय् लाःगु पुसा थें खः। इमिसं परमेश्‍वरयागु वचन न्‍यनेवं शैतान वयाः लाकायंकी।

मर्कूस 5:7

ततःसलं थथे धाल – “हे दक्‍वसिबय् तःधंम्‍ह परमेश्‍वरया काय्, छि जिमिथाय् छाय् झायागु? जितः दुःख बी मते।”

यूहन्‍ना 12:31

आः थ्‍व संसारयागु न्‍याय जुइ। आः थ्‍व संसारयाम्‍ह शासकयात पितिनाछ्वइ।

यूहन्‍ना 16:11

वय्‌कलं परमेश्‍वरया न्‍याय छु खः क्‍यनादी, छाय्‌धाःसा थ्‍व संसारया शासक न्‍हापा हे दोषी खः धकाः न्‍याय याये धुंकल।”

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

हिब्रू 2:14

उपिं काय्‌म्‍ह्याय्‌पिं ला व हिया शरीर जूगुलिं येशू नं उपिं थें हे ला व हि दुम्‍ह मनू जुयादिल। थुकथं वय्‌कलं मनू जुयाः सिनाः मृत्‍युयागु शक्ति दुम्‍ह शैतानयात बुकादिल।

१ पत्रुस 5:8

अय्‌नं थःगु मन बल्‍लाका च्‍वँ, होश‍ यानाच्‍वँ। छिमि शत्रु, शैतानं छिमित फतिंफतलय् स्‍यंकेत स्‍वयाच्‍वंगु दु। नये मखंम्‍ह सिंह थें शैतानं नं सुयातं स्‍यंके फइ ला धकाः माः जुयाच्‍वंगु दु।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

प्रकाश 12:13

थथे पृथ्‍वीइ वान्‍छ्वया हःगुलिं अजिङ्गरं मचा बुइकूम्‍ह मिसायात लिनाजुल।

प्रकाश 12:15

व मिसायात चुइके छ्वयेत व अजिङ्गरं थःगु म्‍हुतुं खुसि थें लः पिकाल।

प्रकाश 12:17

अले व मिसा खनाः झन तसकं तंम्‍वल। उकिं वया सन्‍तान, परमेश्‍वरयागु आज्ञा मानय् यानाच्‍वंपिं व येशूयागु वचन सत्‍य खः धकाः धाइपिं नाप ल्‍वायेत अजिङ्गर वन।

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 12:4

वयागु न्‍हिप्‍यनं आकाशय् स्‍वब्‍वय् छब्‍व नगुयात बँ पुइ थें पुयाः पृथ्‍वीइ कुर्का हल। व अजिङ्गर बुइत्‍यंम्‍ह मचायात नयेत प्‍वाथय् दुम्‍ह मिसाया न्‍ह्यःने पिवाः च्‍वनाच्‍वन।

प्रकाश 12:9

अले व तसकं ग्‍यानापुसे च्‍वंम्‍ह अजिङ्गरयात क्‍वय् क्‍वफाना हल। फुक्‍क संसारय् च्‍वंपिन्‍त थगय् याइम्‍ह पुलांम्‍ह सर्प व हे खः। वयात दुष्‍ट व शैतान धकाः नं धाः। वयात व वया दूततय्‌त पृथ्‍वीइ वान्‍छ्वया हल।

प्रकाश 13:2

व पशु चितुवा थें च्‍वं। वयागु तुति भालुयागु, म्‍हुतु सिंहयागु थें च्‍वं। अले वयात हे अजिङ्गरं थःगु शक्ति, थःगु सिंहासन व तःधंगु अधिकार बिल।

प्रकाश 13:4

सकलें मनूतय्‌सं अजिङ्गरयात पुजा याइगु खः। अले व अजिङ्गरं थःगु अधिकार पशुयात बिल। अथे जुयाः मनूतय्‌सं थथे धयाः पशुयात नं पुजा यात – “थ्‍व पशु थें ज्‍याःम्‍ह सु दु? थ्‍व पशुनाप सु ल्‍वाये फइ?”

प्रकाश 20:10

इमित थगय् याना जूम्‍ह शैतानयात ज्‍वनाः गन्‍धकयागु मि गालय् क्‍वफानाबिल। पशु व फताहा अगमवक्तायात नं अन हे क्‍वफाना तःगु दु। इमित अन सदां चच्‍छि न्‍हिच्‍छिं सास्‍ती याना तइ।

प्रकाश 20:7

द्वःछि दँ फुइवं शैतानयात कुना तःगु थासं त्‍वःताबी।

प्रकाश 9:11

तसकं तःजाःगु गाःयाम्‍ह दूत इमि जुजु थें खः। वयागु नां हिब्रू भाषां एबाड्डोन, अले ग्रीक भाषां अपोल्‍लियोन खः।