प्रकाश 20:11 - नेवाः बाइबल

¹¹ अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

प्रकाश 20:11 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

अय्‍यूब 9:6

वय्‌कलं पृथ्‍वीयात उकिया थासं संकादी। उकिया थांत थुरथुर खाइ।

भजनसंग्रहया सफू 102:26

थुपिं ला मदयावनी, तर छि सदां दयाच्‍वनी, थुपिं फुक्‍क वसः थें भ्‍वाथः जुयावनी। छिं थुमित वसः थें हिलादी, अले थुपिं मदयावनी।

भजनसंग्रहया सफू 47:8

परमेश्‍वर थःगु पवित्र गद्दीइ च्‍वनादी, वय्‌कलं जाति जातियात शासन यानादी।

भजनसंग्रहया सफू 89:14

धार्मिकता व न्‍याय छिगु सिंहासनया जग खः। छिगु सदां दइगु दया माया व विश्‍वास याये बहःसू छिकपिनि दूतत जुयाः छिगु न्‍ह्यः न्‍ह्यः वनी।

भजनसंग्रहया सफू 97:2

परमप्रभुया छचाःखेरं ख्‍वातुक हाकुगु सुपाँय् दु, वय्‌कलं न्‍याय व धार्मिकतां राज्‍य यानादी।

यशैया 6:1

उज्‍जियाह जुजु सीगु दँय् जिं परमप्रभुयात तज्‍जाःगु व तःधंगु सिंहासनय् च्‍वनादीगु खना। वय्‌कःया भान्‍ता लंया बालां देगः दुने जाःगु दु।

दानिएल 2:35

अनंलि नँ, चा, कँय्, वहः व लुँ फुक्‍क छक्‍वलं हे चुंचुं जुल अले छ्व लये धुंकाः खलां छ्वस ब्‍वयेकूगु थें फसं छुं नं ल्‍यं मदय्‌क ब्‍वय्‌का यंकल। व झ्‍वातानापं हाःगु ल्‍वहं धाःसा तःधंगु पर्वत जुयाः फुक्‍क पृथ्‍वीयात त्‍वपुयाबिल।

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

मत्ती 11:22

जिं छिमित धाये – परमेश्‍वरं न्‍याय यानादीबलय् टुरोस व सीदोनय् च्‍वंपिन्‍त स्‍वयाः अप्‍वः छिमित सास्‍ती यानादी।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

मत्ती 25:31

“मनूया काय् स्‍वर्गदूतत नाप जुजु जुयाः वइ अले थःगु सिंहासनय् च्‍वनी।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

२ पत्रुस 3:7

परमेश्‍वरयागु वचनं हे आःयागु आकाश व पृथ्‍वीयात मिइ छ्वय्‌केत बचय् यानातःगु दु। पापी मनूतय्‌त न्‍याय यानाः नाश मयातले आकाश व पृथ्‍वी दयाच्‍वनी।

प्रकाश 12:8

अजिङ्गर व वया दूतत बूगुलिं इमित स्‍वर्गय् च्‍वनेगु थाये मन्‍त।

प्रकाश 16:20

दक्‍व टापु तनावन। पहाड धयागु हे मदयावन।

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

प्रकाश 20:2

अजिङ्‌गर धाःसां ज्‍यूम्‍ह, पुलांम्‍ह सर्प धाःसां ज्‍यूम्‍ह, दुष्‍ट व शैतान धाःसां ज्‍यूम्‍हय्‌सित व स्‍वर्गदूतं ज्‍वनाः द्वःछि दँ तक चिनातल।

प्रकाश 21:1

थुलि जुइ धुंकाः जिं न्‍हूगु स्‍वर्ग व न्‍हूगु पृथ्‍वी खना। न्‍हापायागु स्‍वर्ग व पृथ्‍वी मदयावने धुंकल। समुद्र द हे मन्‍त।

प्रकाश 21:5

अले सिंहासनय् फ्‍यतुनादीम्‍हय्‌सिनं धयादिल – “स्‍व, जिं फुक्‍कं न्‍हूगु यानाबी।” वय्‌कलं हानं धयादिल – “थ्‍व च्‍वयाति, छाय्‌धाःसा थ्‍व फुक्‍क वचन विश्‍वास याये बहःगु खः, अले सत्‍य नं खः।”

प्रकाश 4:2

अले जि छक्‍कलं आत्‍मां जाल। जिं स्‍वर्गय् छगू सिंहासन तयातःगु व उकी सुं छम्‍ह फ्‍यतुनाच्‍वंगु खना।

प्रकाश 6:14

भ्‍वंथू तुला वं थें आकाश नं थूतुला वन। पहाडत व टापुत फुक्‍कं चिला वन।