प्रकाश 2:9 - नेवाः बाइबल

⁹ “छिमिसं कष्‍ट फयाच्‍वंगु व चीमि जुयाच्‍वंगु जिं स्‍यू। अय्‌नं छिपिं ला तःमि खः। यहूदी मखुसां यहूदी खः धकाः धया जुइपिन्‍सं छिमित मभिंका जूगु नं जिं स्‍यू। इपिं शैतान नाप मिलय् जूपिं खः।

प्रकाश 2:9 ပူးပေါင်းရင်းမြစ်များ

मत्ती 4:10

अले वय्‌कलं धयादिल – “अय् शैतान, जिगु न्‍ह्यःने च्‍वने मते, हुँ। थथे नं च्‍वयातःगु दु – “‘छं छिम्‍ह परमप्रभु परमेश्‍वरयागु जक सेवा यायेमाः। वय्‌कःयात जक मानय् यायेमाः।’”

लूका 12:21

“परमेश्‍वरं धयादी थें मयासें थःगु निंतिं जक सम्‍पत्ति मुंका जुइपिं फुक्‍कं अथे हे जुइ।”

लूका 22:65

उकथं हे वय्‌कःयात बेइज्‍जत यानाः यःयःथें धाल।

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

लूका 6:20

येशूं चेलातय्‌त स्‍वयाः धयादिल – “छिपिं नये मखंपिं मनूत धन्‍यपिं खः। परमेश्‍वरया राज्‍य छिमिगु हे खः।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

प्रेरित 26:11

धर्मशास्‍त्र स्‍यनिगु छेँय् छेँय् वनाः इमित ज्‍वनाहयाः सजाँय बिया, अले इमिगु हे म्‍हुतुं ख्रीष्‍टयात मभिंक धाय्‌के बिया। थुलि याना नं मगानाः तमं तातापाक मेमेगु शहरय् नापं वनाः जिं इमित दुःखकष्‍ट बिया।”

रोमी 12:12

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

रोमी 2:17

छिमिसं “जिपिं यहूदी खः” धकाः व्‍यवस्‍थाया भलसाय् च्‍वनाः “परमेश्‍वरयात म्‍हस्‍यू” धकाः धक्‍कु त्‍वःता जुल।

रोमी 5:3

थुलि जक मखु, दुःखकष्‍ट जुयाच्‍वंबलय् नं झीपिं लय्‌ताः, छाय्‌धाःसा दुःखकष्‍टं धैर्य व सह यायेगु शक्ति दय्‌काबी।

रोमी 8:35

ख्रीष्‍टयागु मायां झीत सुनां फाये फइ? छु झीत दुःखकष्‍ट जुल धकाः, म्‍वाय् थाकुल धकाः, सास्‍ती बिल धकाः, नये मखन धकाः, पुनेगु मन्‍त धकाः, ग्‍यानपुगु वल धकाः, अले तरवारं पाली धकाः झीसं ख्रीष्‍टयात त्‍वःते जिल ला?

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

२ कोरिन्‍थी 6:10

नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

२ कोरिन्‍थी 8:2

न्‍ह्याथें ज्‍याःगु दुःखकष्‍ट वःसां इपिं लय्‌तायाच्‍वन, अले थःत मगाः मचाःबलय् इमिसं नुगः चक्‍कंकाः मेपिन्‍त ग्‍वाहालि बियाच्‍वन।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

१ थेसलोनिकी 3:4

छिपिंनाप दुबलय् हे जिमिसं छिमित थज्‍याःगु दुःखकष्‍ट वइ धकाः धयागु खः। जिमिसं गथे धया अथे हे जुल।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

१ तिमोथी 6:18

भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।

प्रकाश 2:2

“छिमिसं दुःख सियाः यानाच्‍वंगु ज्‍याखँ, अले सह याये फक्‍व सह यानाच्‍वंगु व मभिंपिं मनूतय्‌त छिमिसं दुनुगलंनिसें हे मयय्‌कूगु, व प्रेरित मखुसां प्रेरित खः धकाः धया जूपिन्‍त फताहा सावित यानाः क्‍यनाब्‍यूगु फुक्‍कं जिं स्‍यू।

प्रकाश 2:24

“आः ल्‍यंदनिपिं थिआटीराय् च्‍वंपिं वयागु खँय् मजूपिं व शैतानयागु गुप्‍ति खँ मस्‍यूपिन्‍त जिं आः मेगु छुं हे कु क्‍वबिके मखुत।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।