28 अले जिं इमित सुथसिगु नगु नं बी।
अय् सुथय्या नगु, लुजःया काय्, छ स्वर्गं कुतुं वःगु खः! फुक्क जाति जातितय्त नाश यानातःम्ह आः ला बँय् कुतुंवन!
अय्जूगुलिं न्हापायापिं अगमवक्तातय्गु खँ सत्य खः धकाः जिमिसं झन बांलाक सिल। थ्व खँ छिमिसं न्यंगु नं तसकं हे बांलात, छाय्धाःसा इमिसं धयावंगु खँ ला सुथ मजुतले खिउँथाय् च्यानाच्वंगु मत थें खः। अले छिमिगु नुगलय् थिनाच्वंगु सुथसिगु नगु खः।
अय् जि यःपिं मस्त, आः ला झीपिं परमेश्वरया सन्तान खः धकाः झीसं स्यू। अय्नं लिपा झीपिं गज्याःपिं जुइ धयागु खँ झीत कना मदीनि। अय्सां ख्रीष्ट झायादीबलय् झीपिं वय्कः थें हे जुइतिनि धकाः झीसं स्यू। अले तिनि वय्कः गथे च्वं धकाः झीसं खनी।
“मण्डलीतय्त थ्व खँ धाय्केत जि येशूं छन्थाय् जिम्ह स्वर्गदूत छ्वयाहयागु खः। जि दाऊदया कुल व सन्तान खः। सुथय् थीगु नगु नं जि हे खः।”
