प्रकाश 2:20 - नेवाः बाइबल

²⁰ “अय्‌जूसां जिं धायेमाःगु छता खँ दु। थथःम्‍हं तुं अगमवादिनी खः धकाः धया जुइम्‍ह ईजेबेल धाःम्‍ह मिसायात छिमिसं छुं हे मधासे तया तल। जिमि दासतय्‌त व्‍यभिचार यायेगु व मूर्तियागु प्रसाद नयेगु खँ स्‍यनीम्‍हय्‌सित छिमिसं याःयाःथे याकातये ज्‍यू ला?

प्रकाश 2:20 ပူးပေါင်းရင်းမြစ်များ

१ राजा 16:31

नबातया काय् यारोबामं याःगु पाप वयागु निंतिं कम खः। वं सीदोनीतय् जुजु एताबालया म्‍ह्याय् ईजेबेलयात ब्‍याहा यात अले बालद्यःयात पुजा यानाः अझ अप्‍वः पाप यात।

१ राजा 17:13

एलियां वयात धाल, “ग्‍याये म्‍वाः, छेँय् वनाः छं नकतिनि धाःथें हे थःगु नयेगु नसा ज्‍वरय् या। तर न्‍हापा जिगु लागि निं छपा चिपागु मरि छुनाः जिथाय् हजि। अले छ व छिमि काय्‌या लागि छुं दय्‌कि।

१ राजा 17:4

छं खुसिचाया लः त्‍वँ, अले क्‍वःतय्‌सं बी हःगु न। अन छन्‍त नकेत जिं क्‍वःतय्‌त उजं बियागु दु।”

२ राजा 9:22

येहूयात खनाः योरामं न्‍यन, “छु छि शान्‍तिया निंतिं वयागु खः ला?” येहूं लिसः बिल, “छिकपिनि मां ईजेबेलया मूर्ति पुजा व तन्‍त्रमन्‍त्र दय्‌कं दय्‌कं गय् यानाः शान्‍ति जुइ?”

२ राजा 9:7

छं थः मालिक आहाबया काय्‌पिन्‍त स्‍यायेमाः, अले ईजेबेलं जिम्‍ह अगमवक्तात व मेमेपिं दासतय्‌त स्‍याःगुलिं जिं वयात सजाँय बी।

प्रस्‍थान 34:15

“होश यानाच्‍वँ, व देय्‌यापिं मनूतलिसें सन्‍धि याये मते, मखुसा इमिसं थः द्यःतय्‌त बां बियाः पुजा यानाः भ्‍वय् न्‍याय्‌कीबलय् छिमित नं सःती अले छिमिसं इमिगु भ्‍वय् नइ।

इजकिएल 13:17

“अय् सीमानिम्‍ह मनू, थःगु ख्‍वाः थःगु हे मनं अगमवाणी ल्‍हाइपिं इस्राएलया म्‍ह्याय्‌पिंपाखे स्‍वय्‌कि। इमिगु विरोधय् अगमवाणी ल्‍हानाः थथे धा,

प्रेरित 15:20

अथे खःसां इमित मूर्ति पुजायागु प्रसाद नये मते, व्‍यभिचार याये मते, हि मम्‍हुकुसे स्‍याःगु ला नये मते, छुकियागुं हि त्‍वने मते धकाः च्‍वःसा बांलाइ।

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

१ कोरिन्‍थी 10:28

नयेत्‍यय्‌काः सुनानं छिमित – “थ्‍व ला मूर्तियात छाःगु प्रसाद खः” धकाः धाल धाःसा व मनूयात संका जुइक छिमिसं नये मते।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

प्रकाश 2:4

“अय्‌नं छिमिसं जितः न्‍हापा न्‍हापा माया याना जू थें थौंकन्‍हय् मयात धकाः जिं छिमित धायेमाल।