प्रकाश 2:12 - नेवाः बाइबल

¹² “पर्गाममय् च्‍वंगु मण्‍डलीयाम्‍ह दूतयात थथे धकाः च्‍वया छ्व – तसकं ज्‍वःगु निखें धाः दुगु तरवार दुम्‍हय्‌सिनं थथे धयादी –

प्रकाश 2:12 ပူးပေါင်းရင်းမြစ်များ

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 49:2

वय्‌कलं जिगु म्‍हुतु ज्‍वःगु तरवार थें यानादिल। वय्‌कलं जितः थःगु ल्‍हाःया किचलय् सुचुकादिल। वय्‌कलं जितः च्‍वामुसे च्‍वंगु वाण दय्‌कादिल, अले जितः थःगु वाण तयेगु बलाथुली सुचुकातयादिल।

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:16

वय्‌कःयागु जव ल्‍हातय् न्‍हय्‌गः नगु दु। वय्‌कःयागु म्‍हुतुं तसकं ज्‍वःगु निखें धाः दुगु तरवार पिहां वयाच्‍वंगु दु। वय्‌कःयागु ख्‍वाः तसकं थीगु सूर्य थें च्‍वं।

प्रकाश 19:15

जात जातियापिं मनूतय्‌त स्‍यायेत वय्‌कःयागु म्‍हुतुं छपु तरवार पिहां वयाच्‍वंगु दु। अले वय्‌कलं इमित नँयागु दण्‍डीं राज्‍य यानादी। दक्‍वसिबय् तःधंम्‍ह व शक्ति दुम्‍ह परमेश्‍वरयागु तमं जायाच्‍वंगु दाख तिस्‍सिगु थासय् वय्‌कलं तुतिं न्‍हुयाः दाखरस पिकयादी।

प्रकाश 19:21

सल गया च्‍वंम्‍हय्‌सिगु म्‍हुतुं पिहां वयाच्‍वंगु तरवारं ल्‍यंदनिपिं फुक्‍कसितं स्‍याना छ्वत। इमिगु ला नयाः फुक्‍क झंगःतय्‌सं प्‍वाः जाय्‌कल।

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

प्रकाश 2:16

उकिं पश्‍चाताप या, मखुसा जि याकनं वयाः जिगु म्‍हुतुइ च्‍वंगु तरवारं इपिं लिसे ल्‍वाये।

न्‍यायकर्ता 3:16

एहूदं छकु हाकःगु निगू धाः दुगु तरवार दय्‌काः उकियात थःगु जव खम्‍पाय् वसः दुने चिनातल।