प्रकाश 19:6 - नेवाः बाइबल

⁶ अनं लिपा हुल हुल मनूतय्‌गु सः थें, यक्‍व लःयागु सः थें, ग्राङ्‌गग्रुङ्‌ग मिंक न न्‍याःगु सः थें थथे धकाः हाला हःगु जिं ताल – “हल्‍लेलूयाह, दक्‍व शक्ति दुम्‍ह झी परमप्रभु परमेश्‍वरं राज्‍य यानादी।

प्रकाश 19:6 ပူးပေါင်းရင်းမြစ်များ

अय्‍यूब 40:9

छंगु लप्‍पा परमेश्‍वरयागु लप्‍पा थें च्‍वं ला? वय्‌कःया सः थें छ तसलं हाले फु ला?

भजनसंग्रहया सफू 47:2

दक्‍वसिबय् तःधंम्‍ह परमप्रभुलिसे झी ग्‍यायेमाः, वय्‌कः पृथ्‍वी न्‍यंकया तःधंम्‍ह जुजु खः।

भजनसंग्रहया सफू 47:7

परमेश्‍वर पृथ्‍वी न्‍यंकया जुजु खः, वय्‌कःयात प्रशंसा यानाः म्‍ये हा!

भजनसंग्रहया सफू 77:18

न न्‍याःगु सः आकाश न्‍यंक न्‍यन। हाबलासाया जलं प्‍यखें जल्‍ल थित। पृथ्‍वीइ भ्‍वखाय् ब्‍वयाः लिगिलिगि सन।

भजनसंग्रहया सफू 93:1

परमप्रभु जुजु खः। वय्‌कलं बल व गौरवया वसः फिनादीगु दु। पृथ्‍वीयागु जग बल्‍लाः व गुबलें लिगिलिगि सनी मखु।

भजनसंग्रहया सफू 97:1

परमप्रभु जुजु खः। पृथ्‍वी लय्‌तायेमा, समुद्रया टापुत लय्‌तायेमा।

भजनसंग्रहया सफू 97:12

हे धर्मी मनूत, परमप्रभुलिसे लय्‌ता, अले वय्‌कःया पवित्र नांयात तःधंकि।

भजनसंग्रहया सफू 99:1

परमप्रभु जुजु खः, मनूत ग्‍यायेमा। वय्‌कः करूबतय् दथुइ च्‍वनादीगु दु। पृथ्‍वी लिगिलिगि सनेमा।

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

यर्मिया 51:48

अबलय् स्‍वर्ग व पृथ्‍वी अले उकी दुपिं फुक्‍क बेबिलोन बूगुलिं लय्‌तायाः चिल्‍लाय् दनाः हाली, छाय्‌धाःसा उत्तरपाखें नाश याइपिन्‍सं वयात हमला याइ,” परमप्रभुं धयादी।

इजकिएल 1:24

इपिं वंबलय् इमिगु पपूया सः यक्‍व लःया सः, दकलय् तःधंम्‍हय्‌सिगु सः, सेनाया हलचलयागु सः थें जिं ताया। इपिं झ्‍वातां दनीबलय् इमिसं थथःगु पपू क्‍वय् क्‍वकाइगु।

इजकिएल 43:2

अले जिं इस्राएलया परमेश्‍वरया महिमा पुर्बपाखें वयाच्‍वंगु खना। वय्‌कःया सः यक्‍व लःयागु थें च्‍वं, वय्‌कःया महिमां जमिन प्‍वालप्‍वाल थित।

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

प्रकाश 1:15

वय्‌कःयागु तुति मिइ छुया दायाः तल तल थीकातःगु ली थें च्‍वं। अथे हे वय्‌कःयागु सः यक्‍व क्‍वब्‍वाःलःयागु सः थें च्‍वं।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 12:10

अले स्‍वर्गपाखें थथे धयाहःगु छगू तस्‍सःगु सः जिं ताया – “आः परमेश्‍वरं झीत उद्धार यानादी। परमेश्‍वरं अधिकार क्‍यनाः ख्रीष्‍टयात राज्‍य याकादिल। चान्‍हिं झी परमेश्‍वरया न्‍ह्यःने झी दाजुकिजापिनिगु विरोध यानाः दोष बीत स्‍वइम्‍हय्‌सित क्‍वफाना हये धुंकल।

प्रकाश 14:2

अले यक्‍व लःयागु सः व तसकं नँ न्‍याःगु सः थें च्‍वंक स्‍वर्गं धयाहःगु छगू तःधंगु सः जिं ताल। थ्‍व सः यक्‍व वीणा थाःगु सः थें नं च्‍वं।

प्रकाश 19:1

अनं लिपा जिं स्‍वर्गं यक्‍व मनूत हाला हःथेंज्‍याःगु सः ताल, “हल्‍लेलूयाह, उद्धार, मान व शक्ति झी परमेश्‍वरयागु हे खः।

प्रकाश 19:4

अले नीप्‍यम्‍ह थकालिपिं व प्‍यम्‍ह जीवात्‍मा फुक्‍कसिनं भ्‍वसुलाः सिंहासनय् फ्‍यतुनादीम्‍ह परमेश्‍वरयात थथे धकाः आराधना यात – “आमेन, हल्‍लेलूयाह। प्रभुयागु नां तःधं जुयाच्‍वनेमा।”

प्रकाश 21:22

अन शहरय् जिं देगः छगः हे मखना। अनयागु देगः हे दक्‍व शक्ति दुम्‍ह परमप्रभु परमेश्‍वर व चीधिकःम्‍ह भ्‍याःचा खः।

प्रकाश 4:5

सिंहासनं प्‍वालाक्‍क प्‍वालाक्‍क मि च्‍यानाच्‍वंगु, न न्‍याः थें सः वयाच्‍वंगु दु। सिंहासनया न्‍ह्यःने न्‍हय्‌प्‍वाः मिप्‍वाः च्‍यानाच्‍वंगु दु। थ्‍व परमेश्‍वरया न्‍हय्‌म्‍ह आत्‍मा खः।

प्रकाश 6:1

चीधिकःम्‍ह भ्‍याःचां न्‍हय्‌गू मध्‍ये छगू छाप प्‍वःगु जिं खना। अले प्‍यम्‍ह मध्‍ये छम्‍ह जीवात्‍मां नँ न्‍याः थें तःसलं “वा” धाःगु जिं ताया।

प्रकाश 8:5

अले स्‍वर्गदूतं गुँगू मकः कयाः उकी वेदीइ च्‍वंगु मि जाय्‌क तयाः पृथ्‍वीइ वान्‍छ्वया हल। अले ग्राङ्‌गग्रुङ्‌ग सः वल प्‍वालाक्‍क पिलाक हावलासा त्‍वल। अले हानं भ्‍वखाय् ब्‍वल।