प्रकाश 19:18 - नेवाः बाइबल

¹⁸ जुजुपिनिगु, तःधंपिं कप्‍तानतय्‌गु, बल्‍लाःपिं मनूतय्‌गु, सलतय्‌गु, सल गया जुइपिनिगु, फुक्‍क मनूतय्‌गु, दासतय्‌गु, दास मखुपिनिगु, तःधंपिनिगु व चिधंपिनिगु ला नयेत मुं वा।”

प्रकाश 19:18 ပူးပေါင်းရင်းမြစ်များ

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 19:7

“‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

यर्मिया 34:20

जिं इमित स्‍यायेत स्‍वःपिं इमि शत्रुतय्‌गु ल्‍हातय् बी। इमिगु सीम्‍हत धाःसा आकाशयापिं झंगःत व पृथ्‍वीयापिं पशुतय्‌गु नसा जुइ।

यर्मिया 7:33

थ्‍व प्रजाया सीम्‍हत आकाशया झंगःत व पृथ्‍वीयापिं पशुतय् नयेगु नसा जुइ। इमित ख्‍यानाछ्वइपिं सुं हे दइ मखु।

इजकिएल 29:5

छ व छंगु खुसिचायापिं फुक्‍क न्‍यातय्‌त जिं मरुभूमिइ त्‍वःताबी। छ चक्‍कंगु ख्‍यलय् क्‍वःदली। छन्‍त सुनानं मुंकी मखु वा लानाकाइ मखु। जिं छन्‍त पृथ्‍वीयापिं पशुत व आकाशयापिं झंगःपन्छितय्‌गु आहारा यानाबी।

इजकिएल 39:17

“अय् सीमानिम्‍ह मनू, परमप्रभु परमेश्‍वरं थथे धयादी – फुक्‍क कथंयापिं झंगःपन्छित व फुक्‍क गुँपशुतय्‌त सःताः धा, ‘प्‍यखेंनं मुनावा, जिं छगू तःधंगु बलिदान इस्राएलया पहाडय् छिमिगु निंतिं तयार यानाच्‍वनागु दु। अन छिमिसं ला नइ अले हि त्‍वनी।

मत्ती 24:28

गन सीम्‍ह दु अन गिद्ध नं मुं वइ।”

लूका 17:37

अले इमिसं वय्‌कःयात धाल – “गन प्रभु?” वय्‌कलं धयादिल – “गन सीम्‍ह दु अन गिद्ध नं मुं वइ।”

व्‍यवस्‍था 28:26

छिपिं सिनावने धुंकाः झंगःत व पशुत वयाः छिमिगु सीम्‍ह नइ। इमित ख्‍यानाछ्वइम्‍ह सुं दइ मखु।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 13:16

अले वं तःधंपिन्‍त, चिधंपिन्‍त, तःमिपिन्‍त, चीमिपिन्‍त, दासतय्‌त, दास मखुपिन्‍त फुक्‍कसितं नं कपालय् वा जव ल्‍हातय् चिं तय्‌कल।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।

प्रकाश 19:5

सिंहासनं थथे धकाः धयाहल – “वय्‌कःया दासत, वय्‌कःयागु भय काइपिं, तःधंपिं, चिधंपिं फुक्‍कसिनं, झी परमेश्‍वरयात तःधंकेमाः।”

प्रकाश 6:15

अले पृथ्‍वीइ च्‍वंपिं जुजुपिं, ततःधंपिं मनूत, सेनापतित, तःमिपिं, बल्‍लाःपिं, दास व दासमखुपिं, फुक्‍कं गुफा व तःग्‍वःगु ल्‍वहंया कापिचाय्‌ सुचूवन।

१ शमूएल 17:44

वं धाल, “का वा, जिं छंगु ला आकाशय् च्‍वंपिं चखुं व बँय् च्‍वनिपिं जन्‍तुतय्‌त नकेबी।”

१ शमूएल 17:46

थौंयागु दिं परमप्रभुं छन्‍त जिगु ल्‍हातय् लःल्‍हानादीगु दु, अले जिं छन्‍त स्‍याना छंगु छ्यं धेनाबी। थौं पलिश्‍तीतय्‌गु सीम्‍ह आकाशय् च्‍वंपिं चखुं व जमिनय् च्‍वंपिं जन्‍तुतय्‌त नकेगु जुइ। अले तिनि इस्राएलय् छम्‍ह परमेश्‍वर दु धकाः सारा संसारं सीका काइ।