प्रकाश 19:11 - नेवाः बाइबल

¹¹ थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

प्रकाश 19:11 ပူးပေါင်းရင်းမြစ်များ

भजनसंग्रहया सफू 50:6

परमेश्‍वर थः हे न्‍यायाधीश खः। आकाशयात वय्‌कःया धार्मिकता घोषणा याकेब्‍यु! सेला

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

प्रस्‍थान 15:3

परमप्रभु झीगु निंतिं ल्‍वानादीम्‍ह खः, वय्‌कःया नां परमप्रभु खः।

यशैया 32:1

स्‍व, छम्‍ह जुजुं धार्मिकतां राज्‍य यानादी, अले शासकतय्‌सं न्‍यायलं शासन यानादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

इजकिएल 1:1

स्‍विगूगु दँया प्‍यंगूगु लाया न्‍यान्‍हु दुखुन्‍हु जि यहूदां ज्‍वनाहःपिंनापं कबार खुसिया सिथय् दुबलय् स्‍वर्ग चाल अले जिं परमेश्‍वरया दर्शनत खना।

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

यूहन्‍ना 1:51

अले वय्‌कलं वयात धयादिल – “धात्‍थें धात्‍थें हे जिं छन्‍त धाये – छिमिसं स्‍वर्ग चाःगु खनी, अले परमेश्‍वरया स्‍वर्गदूतत परमेश्‍वर व मनूया काय्‌या दथुइ थाहां क्‍वहां जुयाच्‍वंगु खनी।”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 11:19

अले स्‍वर्गय् च्‍वंगु परमेश्‍वरया पवित्र देगः चाल। अन बाचा चिनातःगु सनू खनेदत। अले झिलिक्‍क झिलिक्‍क हावलासा च्‍यात, ततसलं ग्‍यानापुक ग्राङ्‌गग्रुङ्‌ग सः वल। भ्‍वखाय् ब्‍वल, तसकं प्‍वँ गात।

प्रकाश 19:19

सल गया च्‍वंम्‍ह व वय्‌कःया सिपाइँत नाप ल्‍वायेत व पशु व पृथ्‍वीयापिं जुजुपिं व इमि फुक्‍कं सिपाइँत मुनावःगु जिं खना।

प्रकाश 19:21

सल गया च्‍वंम्‍हय्‌सिगु म्‍हुतुं पिहां वयाच्‍वंगु तरवारं ल्‍यंदनिपिं फुक्‍कसितं स्‍याना छ्वत। इमिगु ला नयाः फुक्‍क झंगःतय्‌सं प्‍वाः जाय्‌कल।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।

प्रकाश 4:1

थुलि जुइ धुंकाः जिं थस्‍वयाबलय् स्‍वर्गया लुखा चालाच्‍वंगु खना। दकलय् न्‍हापालाक तुरही पुयाहःगु सः थें च्‍वंक जिं थथे धयाहःगु ताल – “थन थाहां वा, अले छु छु जुइतिनि धकाः जिं छन्‍त क्‍यने।”

प्रकाश 6:2

अले जिं छम्‍ह तुयुम्‍ह सल खना। थ्‍व सल गया च्‍वंम्‍हय्‌सिके छगू धनु दु। वयात श्रीपेच बिल। अले व त्‍याकुकुं अझ त्‍याकेत वन।