प्रकाश 19:10 - नेवाः बाइबल

¹⁰ अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

प्रकाश 19:10 ပူးပေါင်းရင်းမြစ်များ

२ राजा 17:36

तर थःगु बल्‍लाःगु शक्तिं व चकंगु लपुं छिमित मिश्र देशं पित हयादीम्‍ह परमप्रभुयागु जक आराधना या। वय्‌कःया न्‍ह्यःने थःगु छ्यं क्‍वछुकि व वय्‌कःयात हे छिमिसं बलि ब्‍यु।

भजनसंग्रहया सफू 45:11

छंगु हिसि खनाः जुजु लय्‌तायादीगु दु। वय्‌कः छिमि मालिक खः, उकिं वय्‌कलं धाःथें या।

प्रस्‍थान 34:14

छिमिसं मेम्‍ह सुं द्यःयागु पुजा याये मते। परमप्रभुया नां ‘नुगः मुइकादीम्‍ह’ खः। थ्‍व खनाः वय्‌कलं नुगः मुइकादी।

दानिएल 2:46

अले जुजु नबूकदनेसरं दानिएलयात हनाबना तयाः बँय् भ्‍वसुलाः भागि यात। अले वयात देछा व धुपाँय् छायेगु आज्ञा बिल।

दानिएल 7:10

अले व गद्दीं तःधाःगु मित्‍याः मदिक्‍क पिहां वयाच्‍वंगु दु। द्वलंद्वः मनूत वय्‌कःया सेवा यायेत न्‍ह्यःने दु। वय्‌कःया न्‍ह्यःने लखंलख मनूत दनाच्‍वंगु दु। न्‍याययागु अदालत अन हे च्‍वन। अले सफूत प्‍वल।

मत्ती 4:10

अले वय्‌कलं धयादिल – “अय् शैतान, जिगु न्‍ह्यःने च्‍वने मते, हुँ। थथे नं च्‍वयातःगु दु – “‘छं छिम्‍ह परमप्रभु परमेश्‍वरयागु जक सेवा यायेमाः। वय्‌कःयात जक मानय् यायेमाः।’”

मर्कूस 5:22

अबलय् धर्मशास्‍त्र स्‍यनीगु छेँयाम्‍ह थकालि याइरस नांयाम्‍ह छम्‍ह मनुखं वय्‌कःयाथाय् वयाः भागियानाः

मर्कूस 7:25

भूतआत्‍मा दुबिना च्‍वंम्‍ह छम्‍ह मिसामचाया मांनं येशू छेँय् दी धयागु सीकाः काचाकाचां वयाः वय्‌कःया तुतिइ भ्‍वपुल।

लूका 1:19

स्‍वर्गदूतं वयात धाल – “परमेश्‍वरयाथाय् च्‍वनीम्‍ह गब्रिएल स्‍वर्गदूत धाःम्‍ह जि हे खः। जितः थ्‍व भिंगु खँ छन्‍त धाय्‌केत परमेश्‍वरं हे छ्वयाहयादीगु खः।

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

प्रेरित 13:27

यरूशलेमय् च्‍वंपिन्‍सं व इमि शासकतय्‌सं वय्‌कःयात म्‍हसीके मफुत। विश्रामबार पतिकं ब्‍वना वयाच्‍वंगु अगमवक्तातय्‌गु सफुलिइ च्‍वयातःगु खँ न्‍यंसां नं इमिसं थुइके मफुत। अय्‌जूगुलिं इमिसं वय्‌कःयात स्‍यानाः अगमवक्तातय्‌सं धाःगु खँ पूवंकल।

२ कोरिन्‍थी 8:7

छिमिके दुगु फुक्‍क खँय् छिपिं तःमि, विश्‍वास यायेगुलिइ, नवायेगुलिइ, ज्ञानय्, ग्‍वाहालि बीगुलिइ अले जिमित माया यायेगुलिइ नं। उकिं भेटी बीगुलिइ नं छिमिसं अथे याना क्‍यँ धकाः जिमिसं बिन्‍ति यानाच्‍वना।

एफिसी 5:15

उकिं गथे यानाः जुइमाःगु खः बांलाक होश या। मूर्खत थें मखु, बुद्धि दुपिं थें जु।

एफिसी 5:33

न्‍ह्यागु जूसां मिजंतय्‌सं थः कलाःयात थःत थें माया यायेमाः। अथे हे मिसातय्‌सं नं थः भाःतयात हनाबना तयेमाः।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

१ थेसलोनिकी 5:15

मभिंगुया पलेसा मभिंगु तुं याये मते, बरु थःथवय् व न्‍ह्याम्‍हय्‌सित नं न्‍ह्याबलें भिंका जुइगु कुतः या।

हिब्रू 1:14

अय्‌सा स्‍वर्गदूतत धयापिं सु खः लय्? इपिं परमेश्‍वरयात सेवा याइपिं आत्‍मात खः। अले मुक्ति काइपिं मनूतय्‌त ग्‍वाहालि यायेत छ्वयाहःपिं खः।

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

१ यूहन्‍ना 5:10

अय्‌जूगुलिं वय्‌कःया काय्‌यात विश्‍वास यानाच्‍वंपिं मनूतय्‌सं थ्‍व खँ सत्‍य खः धकाः स्‍यू। परमेश्‍वरयात विश्‍वास याइ मखुपिन्‍सं वय्‌कःयात फताहा ताय्‌की, छाय्‌धाःसा परमेश्‍वरं थः काय्‌यागु बारे बियादीगु साक्षीयात इमिसं विश्‍वास याइ मखु।

१ यूहन्‍ना 5:21

उकिं अय् जि यःपिं मस्‍त, मूर्ति पुजापाखें तापाक च्‍वँ।

प्रकाश 1:1

थ्‍व सफुलिइ च्‍वयातःगु खँ परमेश्‍वरं येशू ख्रीष्‍टयात क्‍यनादीगु खँ खः। थः दासतय्‌सं छु जुइतिनि धयागु खँ थुइके फयेमा धकाः परमेश्‍वरं येशू ख्रीष्‍टयात क्‍यनादीगु खः। येशूं थ्‍व खँ क्‍यनेत छम्‍ह स्‍वर्गदूतयात यूहन्‍नायाथाय् छ्वयादिल।

प्रकाश 1:9

छिपिंलिसे येशूयागु निंतिं दुःखकष्‍ट सिया च्‍वनाम्‍ह छिमि दाजु जि यूहन्‍ना खः। छिपिंलिसे तुं वय्‌कःयागु राज्‍यय् च्‍वनाः सकतां सह यानाच्‍वनागु दु। जिं परमेश्‍वरयागु वचन व येशूं धयादीगु सत्‍य खः धकाः न्‍यंकाच्‍वनागुलिं जितः पत्‍मोस टापुइ यंकाः कुनातल।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

प्रकाश 12:17

अले व मिसा खनाः झन तसकं तंम्‍वल। उकिं वया सन्‍तान, परमेश्‍वरयागु आज्ञा मानय् यानाच्‍वंपिं व येशूयागु वचन सत्‍य खः धकाः धाइपिं नाप ल्‍वायेत अजिङ्गर वन।

प्रकाश 14:7

वं ततसलं थथे धाल – “परमेश्‍वर खनाः ग्‍या। वय्‌कःयात तःधंकि। वय्‌कलं मनूतय्‌त न्‍याय याइगु ई वये धुंकल। स्‍वर्ग, पृथ्‍वी, समुद्र व लःयागु बुंगाः सृष्‍टि यानादीम्‍हय्‌सित आराधना या।”

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

प्रकाश 19:9

अले व स्‍वर्गदूतं जितः धाल – “थ्‍व च्‍वयाति, चीधिकःम्‍ह भ्‍याःचायागु ब्‍याहायागु भ्‍वजय् सःतूपिं मनूत तसकं हे धन्‍यपिं खः।” वं हानं धाल – “थ्‍व फुक्‍क परमेश्‍वरयागु सत्‍य वचन खः।”

प्रकाश 4:10

इपिं म्‍ये हालाच्‍वंबलय् सिंहासनय् दीम्‍हय्‌सिगु न्‍ह्यःने निइप्‍यम्‍ह थकालिपिन्‍सं क्‍वछुनाः भागि यात। अले थथःगु श्रीपेच वय्‌कःया सिंहासनया न्‍ह्यःने तयाः थथे धाल –