प्रकाश 19:1 - नेवाः बाइबल

¹ अनं लिपा जिं स्‍वर्गं यक्‍व मनूत हाला हःथेंज्‍याःगु सः ताल, “हल्‍लेलूयाह, उद्धार, मान व शक्ति झी परमेश्‍वरयागु हे खः।

प्रकाश 19:1 ပူးပေါင်းရင်းမြစ်များ

१ इतिहास 29:11

हे परमप्रभु! महिमा, शक्ति, गौरव व वैभव छिगु हे खः, छाय्‌धाःसा आकाश व पृथ्‍वीइ छु छु दु व फुक्‍क छिगु हे खः। हे परमप्रभु! राज्‍य छिगु हे खः, अले छि फुक्‍कसिया शासक खः।

भजनसंग्रहया सफू 104:35

पापी मनूत पृथ्‍वीं नाश जुयावनेमा। हे जिगु मन, परमप्रभुया प्रशंसा या! हल्‍लेलूयाह!

भजनसंग्रहया सफू 106:1

हल्‍लेलूयाह! परमप्रभुयात सुभाय् ब्‍यु, छाय्‌धाःसा वय्‌कः भिंम्‍ह खः, वय्‌कःया दया माया सदां दयाच्‍वनी।

भजनसंग्रहया सफू 111:1

हल्‍लेलूयाह! जिं धर्मीतय्‌गु मुँज्‍याय् दुनुगलंनिसें परमप्रभुयात सुभाय् बी।

भजनसंग्रहया सफू 115:18

तर झीसं ला आः व न्‍ह्याबलें परमप्रभुया प्रशंसा याये। हल्‍लेलूयाह!

भजनसंग्रहया सफू 146:1

हल्‍लेलूयाह! हे जिगु मन, परमप्रभुया प्रशंसा या।

भजनसंग्रहया सफू 148:1

हल्‍लेलूयाह! स्‍वर्गं परमप्रभुया प्रशंसा या, ततःजाःगु थासय् वय्‌कःया प्रशंसा या!

भजनसंग्रहया सफू 149:1

हल्‍लेलूयाह! परमप्रभुया निंतिं छपु न्‍हूगु भजन हा, विश्‍वास याये बहःपिनिगु सभाय् वय्‌कःया प्रशंसा या!

भजनसंग्रहया सफू 150:1

हल्‍लेलूयाह! वय्‌कःया पवित्र थासय् परमेश्‍वरया प्रशंसा या, वय्‌कःया तःधंगु आकाशय् वय्‌कःया प्रशंसा या।

भजनसंग्रहया सफू 3:8

परमप्रभुं रक्षा यानादी। छिगु सुवाः छिकपिनि मनूतय्‌त दयाच्‍वनेमा। सेला

भजनसंग्रहया सफू 62:11

परमेश्‍वरं तःकः हे थथे धयादीगु जिं न्‍यनागु दु, “शक्ति जिगु खः,

यर्मिया 51:48

अबलय् स्‍वर्ग व पृथ्‍वी अले उकी दुपिं फुक्‍क बेबिलोन बूगुलिं लय्‌तायाः चिल्‍लाय् दनाः हाली, छाय्‌धाःसा उत्तरपाखें नाश याइपिन्‍सं वयात हमला याइ,” परमप्रभुं धयादी।

योना 2:9

तर जिं छिगु म्‍ये हालाः छिगु नामय् बलि बिये। अले छु याये धकाः भाकल यानागु खः, व याये। परमप्रभुयापाखें हे उद्धार जुइ।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 12:10

अले स्‍वर्गपाखें थथे धयाहःगु छगू तस्‍सःगु सः जिं ताया – “आः परमेश्‍वरं झीत उद्धार यानादी। परमेश्‍वरं अधिकार क्‍यनाः ख्रीष्‍टयात राज्‍य याकादिल। चान्‍हिं झी परमेश्‍वरया न्‍ह्यःने झी दाजुकिजापिनिगु विरोध यानाः दोष बीत स्‍वइम्‍हय्‌सित क्‍वफाना हये धुंकल।

प्रकाश 19:6

अनं लिपा हुल हुल मनूतय्‌गु सः थें, यक्‍व लःयागु सः थें, ग्राङ्‌गग्रुङ्‌ग मिंक न न्‍याःगु सः थें थथे धकाः हाला हःगु जिं ताल – “हल्‍लेलूयाह, दक्‍व शक्ति दुम्‍ह झी परमप्रभु परमेश्‍वरं राज्‍य यानादी।