प्रकाश 18:9 - नेवाः बाइबल

⁹ व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।

प्रकाश 18:9 ပူးပေါင်းရင်းမြစ်များ

उत्‍पत्ति 19:28

वं सदोम व गमोराया फुक्‍क थासय् स्‍वल। अले वं अगलं कुँत्‍याः पिहां वयाच्‍वं थें व थासं कुँ पिहां वयाच्‍वंगु खन।

भजनसंग्रहया सफू 58:10

पापीतय्‌त सजाँय ब्‍यूगु खनाः धर्मी मनूत लय्‌ताइ। इमिसं दुष्‍टतय्‌गु हिं थःपिनिगु तुति सिली।

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यर्मिया 50:40

“सदोम व गमोरा अले उकिया जःखः च्‍वंगु शहरतय्‌त जि परमेश्‍वरं नाश यानागु थें, बेबिलोनय् सुं मनू च्‍वनी मखु। सुं नं मनू अन च्‍वनाच्‍वनी मखु। परमप्रभुं धयादी,

यर्मिया 50:46

बेबिलोन कब्‍जा याःबलय् ताये दुगु सलं पृथ्‍वी थरथर खाइ। वयागु ख्‍वःसः जाति जातितय्‌थाय् तक थ्‍वइ।

यर्मिया 51:8

आः बेबिलोन आकाझाकां क्‍वःदली, अले बेबिलोनयात कुचा कुचा याइ। वयागु निंतिं ख्‍व! वयागु स्‍याःचाःया निंतिं मलम हजि! सके व लनी ला?

इजकिएल 27:35

समुद्र सिथय् च्‍वंपिं सकलें छ खनाः वातां जूगु दु। इमि जुजुपिं तसकं ग्‍यानाः थरथर खाःगु दु, इमिगु ख्‍वाःपाः कय्‌कूंगु दु।

दानिएल 4:14

वं तस्‍सलं धाल, ‘व सिमा पालाः क्‍वःथलाब्‍यु, उकिया कचामचा पालाब्‍यु, उकिया हः हाय्‌काछ्व, उकिया फल छ्यालब्‍याल यानाब्‍यु। पशुत उकिया किचलं व झंगःत उकिया कचां बिस्‍युं वनेमा।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

१ तिमोथी 5:11

भाःत मदय्‌ धुंकूपिं ल्‍यासेपिं मिसातय्‌गु नां धाःसा धलखय् दुथ्‍याके मते, छाय्‌धाःसा इमिसं ख्रीष्‍टयागु ज्‍या त्‍वःताः हानं ब्‍याहा यायेत स्‍वइ।

प्रकाश 14:11

इमिसं सास्‍ती नया च्‍वंथासं वःगु कुँ न्‍ह्याबलें च्‍वय् थाहां वनाच्‍वनी। इमिसं चच्‍छि न्‍हिच्‍छि दुःखसिया च्‍वनेमाली। व पशुयात व वयागु मूर्तियात पुजा याक्‍वसित, अले हानं वयागु नांयागु चिं काक्‍वसित नं अथे हे याइ।”

प्रकाश 17:2

व हे नाप संसारयापिं जुजुपिन्‍सं व्‍यभिचार याना जूगु खः। सारा पृथ्‍वीइ च्‍वंपिं मनूतय्‌सं व नाप भाःपी हे मफय्‌क व्‍यभिचार याना जुल।”

प्रकाश 18:18

अले व तःधंगु शहर च्‍यानाः कुँ थाहां वयाच्‍वंगु खनाः थुकथं हाला हल – “थ्‍व थें तःधंगु शहर गनं हे दइ मखु।”

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”

प्रकाश 18:7

वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’

प्रकाश 19:3

इमिसं हानं छकः तसलं थथे धाल – “हल्‍लेलूयाह, व वेश्‍यायात उनातःगु कुँ न्‍ह्याबलें थाहां वनाच्‍वनी।”

प्रकाश 2:22

“उकिं आः जिं वयात उसाँय् मदय्‌काः लासाय् प्‍यपुंकाबी। व नाप व्‍यभिचार याःपिन्‍सं पश्‍चाताप मयात धाःसा व नाप तुं इमित नं तसकं दुःखकष्‍टय् लाकाबी।