प्रकाश 18:7 - नेवाः बाइबल

⁷ वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’

प्रकाश 18:7 ပူးပေါင်းရင်းမြစ်များ

एस्‍तर 6:10

अले जुजुं हामानयात धाल, “याकनं वनाः छं धाःथें वसः व सल हिँ। अले यहूदी मोर्दकैयात हनेगु या। व दरबारया मू ध्‍वाखाय् च्‍वनाच्‍वंगु दु। छं धाःथें हे वया निंतिं फुक्‍कं यानाब्‍यु। छुं नं मगाःमचाः मजुइमाः।”

भजनसंग्रहया सफू 10:6

इमिसं मतिइ तइ, “जिमित छुकिं नं थी फइ मखु। जिमित गुबलें नं दुःख जुइ मखु।”

भजनसंग्रहया सफू 45:9

छिगु लाय्‌कुलिइ हनेबहःपिं मिस्‍तय्‌गु दथुइ जुजुपिनि म्‍ह्याय्‌पिं नं दु, छिगु जवपाखे ओपीरया लुँया तिसा तियातःम्‍ह भम्‍चा दु।

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

इजकिएल 23:34

छं व ख्‍वला खालि मजुतले त्‍वनी, छं थुकियात कुचा कुचा जुइक तछ्याइ। अले छकु कुचा कयाः थःगु दुरुप्‍वलय् कियाबी।” जि परमप्रभु परमेश्‍वरं थ्‍व खँ न्‍ववानागु खः।

ओबदिया 1:3

छंगु मनया घमण्‍डं छन्‍त धोखा ब्‍यूगु दु। छ ल्‍वहंधीया किल्‍लाय् च्‍वनीम्‍ह, तःजाःगु थासय् छेँ दय्‌कीम्‍ह, छं मनं मनं थथे धाइगु, ‘जितः क्‍वय् जमिनय् कुर्कीम्‍ह सु दु?’

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

१ तिमोथी 5:11

भाःत मदय्‌ धुंकूपिं ल्‍यासेपिं मिसातय्‌गु नां धाःसा धलखय् दुथ्‍याके मते, छाय्‌धाःसा इमिसं ख्रीष्‍टयागु ज्‍या त्‍वःताः हानं ब्‍याहा यायेत स्‍वइ।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”

प्रकाश 18:9

व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।