प्रकाश 18:21 - नेवाः बाइबल

²¹ अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।

प्रकाश 18:21 ပူးပေါင်းရင်းမြစ်များ

नहेम्‍याह 9:11

इपिं गंगु बँ जुयाः वने फयेमा धकाः छिं इमिगु न्‍ह्यःने समुद्रयात ब्‍वथलादिल। छि मनूत गंगु बँ जुयाः वन, अय्‌नं लखय् ल्‍वहं वांछ्वःगु थें इमित ल्‍यू वःपिन्‍त छिं वांछ्वयादिल।

अय्‍यूब 20:8

म्‍हगस थें गुबलें लुइके मफय्‌क व तनावनी, चान्‍हय्‌सिगु दर्शन थें व मदयावनी।

भजनसंग्रहया सफू 37:36

छन्‍हु जि उखे वनाबलय् जिं वयात स्‍वयाबलय् व ला अन मदु। जिं वयात मालां नं लुइके मफुत।

प्रस्‍थान 15:5

तःजाःगु लखं इमित त्‍वपुल। इपिं ल्‍वहं थें तःजाःथाय् दुन।

इजकिएल 26:21

छ म्‍वाना मच्‍वनेमा धकाः जिं छन्‍त ग्‍यानापुसे च्‍वंक सिधय्‌काः बी। छन्‍त माली तर सुनानं छन्‍त लुइके फइ मखु, जि, परमप्रभु परमेश्‍वरं धाये।”

दानिएल 11:19

लिपा व थःगु देशया किल्‍लातपाखे बिस्‍युं वनी, अय्‌नं लुफिं हानाः दइ, अले हाकनं गुबलें खने दइ मखु।

प्रकाश 10:1

अले हानं सुपाँचं हिनातःम्‍ह, छेनय् इन्‍द्रेणी दुम्‍ह, सूर्ययागु थें ख्‍वाः दुम्‍ह, मियागु थां थें च्‍वंगु तुति दुम्‍ह तसकं बल्‍लाःम्‍ह छम्‍ह स्‍वर्गदूत स्‍वर्गं क्‍वहां वयाच्‍वंगु जिं खना।

प्रकाश 12:8

अजिङ्गर व वया दूतत बूगुलिं इमित स्‍वर्गय् च्‍वनेगु थाये मन्‍त।

प्रकाश 16:20

दक्‍व टापु तनावन। पहाड धयागु हे मदयावन।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

प्रकाश 18:22

अले वीणा, म्‍ये, बाँसुरी व तुरहीयागु सः अन गुबलें हे न्‍यनेदइ मखु। कःमितय्‌सं दय्‌कातःगु सामान नं अन लुइके फइ मखु। घःक्‍यःगु सः नं अन गुबलें हे ताये दइ मखु।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

प्रकाश 5:2

छम्‍ह तसकं बल्‍लाःम्‍ह स्‍वर्गदूतं ततसलं थथे धयाच्‍वंगु जिं ताया – “थ्‍व भ्‍वंथुइ तयातःगु छाप तछ्यानाः फ्‍यने फुम्‍ह सु दु?”