प्रकाश 18:15 - नेवाः बाइबल

¹⁵ अन शहरय् व्‍यापार यानाः धनी जूपिं मनूत वयात जूगु सास्‍ती खनाः ग्‍यानाः तापाकं हे दनाः नुगः मछिंकाः ख्‍वख्‍वं थथे धाइ –

प्रकाश 18:15 ပူးပေါင်းရင်းမြစ်များ

इजकिएल 27:31

छं यानाः इमिसं थःगु सँ खाइ, अले इमिसं भांग्रा फी, अले छंगु निंतिं मनय् पीर कयाः इपिं ह्वाँय्‌ह्वाँय् ख्‍वइ।

जकरिया 11:5

न्‍यानायंकीपिन्‍सं फैयात स्‍याइ, अय्‌नं इमित सजाँय जुइ मखु। इमित म्‍यूपिन्‍सं थथे धाइ, ‘परमप्रभुयात तःधंकि, जिपिं तःमि जुल।’ फैजवाःतय्‌सं थः बथांयात दया मया।

मर्कूस 11:17

वय्‌कलं इमित थथे धयाः स्‍यनादिल – “थ्‍व खँ च्‍वयातःगु, मस्‍यू ला? ‘जिगु छेँ फुक्‍क मनूतय् प्रार्थना याइगु छेँ खः।’ छिमिसं ला थुकियात खुँ व दाखुँतय्‌गु छेँ धकाः यानाच्‍वन।”

प्रेरित 16:19

व दासीया मालिकतय्‌सं थथे थःपिनिगु धिबा कमय् यायेगु लँ मदय्‌का ब्‍यूगुलिं पावल व सिलासयात ज्‍वनाः लुत्तु लुयाः हाकिमतय्‌थाय् यंकल।

प्रकाश 18:12

इमिगु मालताल – लुँ, वहः, हिरा, मोती, भिंगु भिंगु कापः, प्‍याजी रंगया कापः, रेसम, ह्याउँसे च्‍वंगु कापः, थीथी कथंया नस्‍वाःगु सिँ, किसियागु वा, थिकेथिकेगु सिँ, कँय्, नँ, व दुरूल्‍वहँतं दय्‌कातःगु थीथी सामान, व

प्रकाश 18:13

दालचिनि, मसला, धुपाँय्, मूर्र, गुँगू, तुयुगु धुपाँय्, दाखमद्य, भिंगु चिकं, नचुगु छ्वचुं, छ्व, सा द्वहं, फै-च्‍वलय्, सल व रथ, दास दासी, व मनूतनापं आः सुनानं न्‍याइ मखुत।

प्रकाश 18:14

व्‍यापारीतय्‌सं थथे धाइ – “हे बेबिलोन! छं यय्‌कूगु ततःधंगु मालताल फुक्‍कं तनावन। छंगु धनसम्‍पत्ति व इज्‍जत फुक्‍कं तनावने धुंकल। आः हानं गुबलें लुइ मखुत।”

प्रकाश 18:19

ह्वाँय्‌ह्वाँय् ख्‍वख्‍वं छेनय् धू बुतुबुलाः नुगः मछिंकाः इपिं थथे धकाः हाल – “धिक्‍कार, धिक्‍कार, व तःधंगु शहर! समुद्रय् जहाज चले याइपिं फुक्‍कं वयागु धनं यानाः तःमि जुल। घौछिं हे व शहर नाश जुयाः वन।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”