प्रकाश 18:14 - नेवाः बाइबल

¹⁴ व्‍यापारीतय्‌सं थथे धाइ – “हे बेबिलोन! छं यय्‌कूगु ततःधंगु मालताल फुक्‍कं तनावन। छंगु धनसम्‍पत्ति व इज्‍जत फुक्‍कं तनावने धुंकल। आः हानं गुबलें लुइ मखुत।”

प्रकाश 18:14 ပူးပေါင်းရင်းမြစ်များ

भजनसंग्रहया सफू 106:14

मरुभूमिइ इमिसं नयेगु नसाया लोभ यात अले परमेश्‍वरयागु मन स्‍वल।

भजनसंग्रहया सफू 78:18

इमिसं थःयत्‍थें नसात्‍वँसा फ्‍वनाः परमेश्‍वरयागु मन स्‍वयेत तकं लिमचिल।

गन्‍ती 11:34

अथे जुयाः व थाय्‌यागु नां किब्रोथ-हत्तावा तल।

गन्‍ती 11:4

इमिगु पुचलय् दुपिं छपुचः ज्‍यालगय् मजूपिं नसिंचायावल। अले इस्राएलीतय्‌सं तकं ख्‍वख्‍वं थथे कचकच यात, “ला नये माल!

मत्ती 11:8

मखुसा छिपिं छु स्‍वयेत वनागु लय्? बाबांलाःगु वसतं पुनातःपिं मनूतय्‌त स्‍वःवनागु ला? बाबांलाःगु वसतं पुना तइपिं ला लाय्‌कुलिइ जक दइ।

लूका 12:20

“अले परमेश्‍वरं वयात थथे धयादिल – ‘अय् मूर्ख, छ ला थौं चान्‍हय् हे सी। छं मुंकातःगु धन, अन्‍न फुक्‍कं आः सुयागु जुइ?’

लूका 16:25

“अब्राहामं वयात धाल – ‘काय्, म्‍वाना च्‍वंतले छं भिंगु भिंगु व बाबांलाःगु काये खन, लाजरसयाके धाःसा अबलय् छुं हे मदु, वं यक्‍व दुःखसिया वल। आः लाजरसयात सुख जुल, अले छं सास्‍ती नया च्‍वनेमाली।

१ कोरिन्‍थी 10:6

इमित थथे यानादीगुलिं झीसं नं इमिसं थें मूर्ति पुजा यायेगु, बांमलाःगु मभिंगु मतिइ तये मज्‍यू धकाः थुकिं बांलाक सी दु। इमिगु थ्‍व हे खँ धर्मशास्‍त्रय् नं थथे च्‍वयातःगु दु – “इपिं फ्‍यतुनाः भ्‍वय् नयेत्‍वने धुंकाः दनाः यःयःथें सन।”

याकूब 4:2

छिमिसं थःत यःगु चिजबिजया निंतिं मनू स्‍यायेत तकं लिफः स्‍वइ मखु। छिमिसं थःके मदुगु चिजबिजया लोभ याना जुइ, अले ल्‍वाना जूसां कायेत स्‍वइ। छिमित माःगु चिजबिज छिमित दइ मखु, छाय्‌धाःसा छिमिसं परमेश्‍वरयाके मफ्‍वं।

प्रकाश 18:13

दालचिनि, मसला, धुपाँय्, मूर्र, गुँगू, तुयुगु धुपाँय्, दाखमद्य, भिंगु चिकं, नचुगु छ्वचुं, छ्व, सा द्वहं, फै-च्‍वलय्, सल व रथ, दास दासी, व मनूतनापं आः सुनानं न्‍याइ मखुत।

प्रकाश 18:15

अन शहरय् व्‍यापार यानाः धनी जूपिं मनूत वयात जूगु सास्‍ती खनाः ग्‍यानाः तापाकं हे दनाः नुगः मछिंकाः ख्‍वख्‍वं थथे धाइ –