प्रकाश 18:11 - नेवाः बाइबल

¹¹ संसारयापिं व्‍यापारीत नं इमिगु माल न्‍याइपिं मनूत मन्‍त धकाः नुगः मछिंकाः ख्‍वइ।

प्रकाश 18:11 ပူးပေါင်းရင်းမြစ်များ

हितोपदेश 3:14

थ्‍व वहः स्‍वयाः कतिलाः, अले लुँ स्‍वयाः मू वं।

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 47:15

छंगु निंतिं इमिसं थुलि जक याये फइ इपिं सुलिसें छं ज्‍या याःगु दु। अले सुनां मचाबलय् निसें व्‍यापार यानावयाच्‍वंगु दु। इपिं फुक्‍क मखुगु लँय् वनाच्‍वंगु दु। छन्‍त सुनानं बचय् याये फइ मखु।”

इजकिएल 27:9

गबालयापिं पुलांपिं व बुद्धि दुपिं कारिगरत छनापं जहाजय् दु। उपिं हे जहाजया प्‍वाःत तिनाबीपिं छिमि मनूत खः। छन्‍थाय् व्‍यापार यायेत जहाज चले याइपिं मनूतनापं समुद्रया फुक्‍क जहाज छन्‍थाय् वइगु।

सपन्‍याह 1:11

हे बजार दुगु थासय् च्‍वंपिं, ह्वाँय्‌ह्वाँय् ख्‍वः छाय्‌धाःसा सकल बन्‍जात न्‍हनावनी अले वहःयागु बन्‍जा ज्‍या याइपिं नं सकलें न्‍हनावनी।

सपन्‍याह 1:18

परमप्रभुया तंया दिंखुन्‍हु इमिगु लुँ व वहःनं इमित बचय् याये फइ मखु।” वय्‌कःयागु नुगः मुयाः पिहां वःगु मिं फुकं देशयात झ्‍वाः याइ छाय्‌धाःसा वय्‌कलं पृथ्‍वीयापिं सकल मनूतय्‌त आकाझाकां ग्‍यानपुस्‍से च्‍वंक न्‍हंकादी।

मत्ती 22:5

अय्‌नं पाहां ब्‍वना तःपिन्‍सं वास्‍ता हे मयासें थथःगु ज्‍याय् वन। गुम्‍हं थःगु बुँइ वन, गुम्‍हं थःगु पसलय् वन।

यूहन्‍ना 2:16

सुकुभतु मिया च्‍वंपिन्‍त वय्‌कलं धयादिल – “थुपिं फुक्‍कं चिज थनं यंकि, जिमि बाःयागु छेँयात छिमिसं ब्‍यापारया छेँ याये मते।”

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

प्रकाश 18:15

अन शहरय् व्‍यापार यानाः धनी जूपिं मनूत वयात जूगु सास्‍ती खनाः ग्‍यानाः तापाकं हे दनाः नुगः मछिंकाः ख्‍वख्‍वं थथे धाइ –

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”

प्रकाश 18:9

व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।