प्रकाश 18:10 - नेवाः बाइबल

¹⁰ वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”

प्रकाश 18:10 ပူးပေါင်းရင်းမြစ်များ

यशैया 21:9

स्‍वयादिसँ! सलया पुचः दुगु रथय् छम्‍ह मनू वयाच्‍वंगु दु। अले वं लिसः बियाः थथे धाइ, ‘बेबिलोन स्‍यने धुंकूगु दु, उकिया कतां कियाः दय्‌कातःगु मूर्तित कुचा कुचा जुयाः बँय् कुतुं वयाच्‍वंगु दु।’”

यशैया 47:9

थुपिं निगू खँ छन्‍थाय् छक्‍वलं छन्‍हुं हे वइ, काय्‌म्‍ह्याय्‌पिं त्‍वःताच्‍वने मालीगु अले भाःत मदय्‌काच्‍वने मालीगु। छंगु जीवनय् यक्‍व जादु यायेगु शक्ति दःसां अले तसकं जाःगु तन्‍त्रमन्‍त्र यायेगु शक्ति दःसां उपिं फुक्‍क छंगु जीवनय् व हे वइ।

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

इजकिएल 32:9

जाति जातितय्‌थाय् छं म्‍हमस्‍यूगु देशय् जिं छंगु नाशया खबर हयेबलय्, जिं यक्‍व मनूतय्‌गु मन थातय् मलाकाबी।

योएल 1:15

हाय! व दिं! छाय्‌धाःसा परमप्रभुया दिं लिक्‍क दु। व ला दक्‍व शक्ति दुम्‍हपाखें सर्वनाश थें हे वइ।

आमोस 5:16

अथे जुयाः प्रभु, दक्‍व शक्ति दुम्‍ह परमप्रभु परमेश्‍वरं थथे धयादी – “दक्‍व शहरया लँय् लँय् नुगः चेचेतुंक ख्‍वइगु व बिलाप जुइ, दक्‍व चुक चुकय् इमिसं हाय हाय याइ। बुँज्‍यायाइपिन्‍त बिलाप यायेत व मलामीतय्‌त दुखं च्‍वनेत सःती।

गन्‍ती 16:34

अन दुपिं मनूतय्‌सं इपिं चिल्‍लाय् दनाहाःगु सः न्‍यनाः “पृथ्‍वीं झीत नं घुर्का छ्वइ” धकाः धाधां बिस्‍युं वन।

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।

प्रकाश 14:8

वयागु ल्‍यूल्‍यू वःम्‍ह मेम्‍ह स्‍वर्गदूतं थथे धाल – “नाश जुल, तःधंगु शहर बेबिलोन नाश जुल। थःम्‍हं याःगु बांमलाःगु ज्‍या मेमेगु देशयापिं मनूतय्‌त नं याकेब्‍यूम्‍ह थ्‍व हे शहर खः।”

प्रकाश 16:19

तःधंगु शहर स्‍वकू दला वन। देश देशय् च्‍वंगु शहर फुक्‍कं दुनावन। अले परमेश्‍वरं तःधंगु बेबिलोन शहरयात लुमंकादिल। अले वय्‌कःयागु ग्‍यानापुसे च्‍वंगु तंयागु ख्‍वल्‍चा वयात त्‍वनेत बियादिल।

प्रकाश 17:12

छं खंगु झिपु नेकूयागु अर्थ आः तक जुजु मजूनिपिं झिम्‍ह जुजुपिं खः। अय्‌नं व पशुनाप नाप तुं इपिं छुं ई तक जक जूसां जुजु जुइतिनि।

प्रकाश 18:18

अले व तःधंगु शहर च्‍यानाः कुँ थाहां वयाच्‍वंगु खनाः थुकथं हाला हल – “थ्‍व थें तःधंगु शहर गनं हे दइ मखु।”

प्रकाश 18:19

ह्वाँय्‌ह्वाँय् ख्‍वख्‍वं छेनय् धू बुतुबुलाः नुगः मछिंकाः इपिं थथे धकाः हाल – “धिक्‍कार, धिक्‍कार, व तःधंगु शहर! समुद्रय् जहाज चले याइपिं फुक्‍कं वयागु धनं यानाः तःमि जुल। घौछिं हे व शहर नाश जुयाः वन।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।

प्रकाश 18:8

उकिं छन्‍हुं हे वयात ल्‍वय्, दुःख, आपत, अले अनिकाल वइ। अले वयात मिइ उनाछ्वइ, छाय्‌धाःसा वयात न्‍याय यानादीम्‍ह परमप्रभु परमेश्‍वर शक्ति दुम्‍ह खः।”