प्रकाश 17:9 - नेवाः बाइबल

⁹ “थ्‍व खँ थुइकेत ज्ञान बुद्धि माः। न्‍हय्‌गः छ्यंया अर्थ न्‍हय्‌गू पहाड खः। गुकी व मिसा फ्‍यतुनाच्‍वंगु दु। थुपिं न्‍हय्‌म्‍ह जुजुपिं खः।

प्रकाश 17:9 ပူးပေါင်းရင်းမြစ်များ

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

मत्ती 24:15

“अगमवक्ता दानिएलं पवित्रगु थासय् घच्‍चायापुगु व ग्‍यानापुगु ज्‍या जुइ धयाथकूगु खँ छिमिसं स्‍वये दइ।” (थ्‍व खँ ब्‍वंम्‍हय्‌सिनं थुइमा)

प्रकाश 13:1

अले जिं झिपु नेकू व न्‍हय्‌गः छ्यं दुम्‍ह पशु समुद्रं पिहां वयाच्‍वंगु खना। वयागु नेकू पतिकं श्रीपेच दु। वयागु छ्यं पतिकं परमेश्‍वरयात सराः बीगु नां च्‍वयातःगु दु।

प्रकाश 13:18

थ्‍व थुइकेत बुद्धि माः। सुयाके बुद्धि दु वं थ्‍व पशुयागु ल्‍याःयागु अर्थ थुइका काइ। थ्‍व ल्‍याः मनूयागु नां खः। थ्‍व ल्‍याः ६६६ खः।

प्रकाश 17:18

छं खंम्‍ह मिसायागु अर्थ संसारय् च्‍वंपिं जुजुपिन्‍त राज्‍य याइगु तःधंगु शहर खः।”

प्रकाश 17:3

जि पवित्र आत्‍मां जाल, अले स्‍वर्गदूतं जितः मरुभूमिइ क्‍वबिया यंकल। अन तसकं ह्याउँसे च्‍वंम्‍ह पशु गया च्‍वंम्‍ह छम्‍ह मिसायात जिं खना। व पशुयाके न्‍हय्‌गः छ्यं व झिपु नेकू दु। म्‍हय् जाय्‌क परमेश्‍वरयात सराः बीगु नां च्‍वयातःगु दु।

प्रकाश 17:7

अले स्‍वर्गदूतं जितः धाल – “छाय् छक्‍क जुया? व मिसायागु गुप्‍त खँ जिं छन्‍त कने। व मिसां गया च्‍वंम्‍हय्‌सिके दुगु न्‍हय्‌गः छ्यं व झिपु नेकू दुम्‍ह पशुयागु अर्थ नं कनाबी।